September 05, 2023
September 05, 2023
ദോഹ: 2024 പാരിസ് ഒളിമ്പിക്സ് വോളിബാൾ യോഗ്യത മത്സരത്തിൽ ബ്രസീലിനെതിരെ ഖത്തർ മത്സരിക്കും. സെപ്റ്റംബർ 30നാണ് ഖത്തറും ബ്രസീലും തമ്മിലുള്ള മത്സരം. ബ്രസീലിൽ വെച്ച് തന്നെയാണ് യോഗ്യത മത്സരം നടക്കുന്നത്.
സെപ്റ്റംബർ 30 മുതൽ ഒക്ടോബർ 8 വരെയാണ് വോളിബാൾ യോഗ്യത മത്സരം നടക്കുക. ഒക്ടോബർ ഒന്നിന് ഖത്തറും ഇറ്റലിയും തമ്മിലും, ഒക്ടോബർ മൂന്നിന് ഖത്തറും ഇറാനും തമ്മിലും, ഒക്ടോബർ നാലിന് ഖത്തറും ക്യൂബയും തമ്മിലും മത്സരിക്കും. ഒക്ടോബർ ആറിനാണ് ഖത്തറും യുക്രെയ്നും തമ്മിൽ മാറ്റുരക്കുന്നത്. ഒക്ടോബർ ഏഴിന് ഖത്തർ ജർമനിയെയും, ഒക്ടോബർ എട്ടിന് ഖത്തർ ചെക്ക് റിപ്പബ്ലിക്കിനെയും നേരിടും.
എട്ട് ടീമുകൾ മത്സരിക്കുന്ന ടൂർണമെന്റിൽ ആദ്യ രണ്ടു സ്ഥാനക്കാരാണ് നേരിട്ട് ഇന്റർനാഷണൽ ഒളിമ്പിക്സ് വോളിബാൾ മത്സരത്തിൽ യോഗ്യത നേടുക. 2024 ജൂലൈ 27 മുതൽ ഓഗസ്റ്റ് 11 വരെയാണ് ഇന്റർനാഷണൽ ഒളിമ്പിക്സ് വോളിബോൾ ടൂർണമെന്റ് പാരിസിൽ നടക്കാനിരിക്കുന്നത്. ടൂർണമെന്റിൽ 24 വോളിബോൾ ടീമുകൾ പങ്കെടുക്കും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9