September 12, 2023
September 12, 2023
തിരുവനന്തപുരം : ഐ.സി.എം.ആറിന്റെ നേതൃത്വത്തില് ഇന്സ്റ്റിസ്റ്റിയൂട്ട് ഓഫ് വൈറോളജി നടത്തിയ പഠനത്തില് കേരളം അടക്കമുള്ള ഒൻപത് സംസ്ഥാനങ്ങളിലൈ വവ്വാലുകളില് നിപ വൈറസ് സ്ഥിരീകരിച്ചു. കഴിഞ്ഞ മാസമാണ് പഠന റിപ്പോർട്ട് പുറത്ത് വന്നത്.
കോഴിക്കോട് ജില്ലയിൽ വീണ്ടും നിപ വൈറസ് സ്ഥിരീകരിച്ചതായുള്ള റിപ്പോർട്ടിന് പിന്നാലെ ജാഗ്രത ശക്തമാക്കിയിട്ടുണ്ട്.അതെസമയം,വിശദമായ പരിശോധനാഫലം പുറത്തുവന്നിട്ടില്ലെന്നും കേരളത്തിൽ നിപ സ്ഥിരീകരിച്ചതായുള്ള കേന്ദ്ര റിപ്പോർട്ട് അടിസ്ഥാനരഹിതമാണെന്നും ആരോഗ്യ മന്ത്രി വീണാ ജോർജ് പറഞ്ഞു.
2018ൽ കോഴിക്കോട് നിപ്പ വൈറസ് കണ്ടെത്തിയപ്പോൾ പഴം തിന്നുന്ന വവ്വാലുകളില് നിന്നാണ് ഈ വൈറസ് പടരുന്നതെന്ന് റിപ്പോർട്ടുകളുണ്ടായിരുന്നു.14 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലും നടത്തിയ പഠനത്തില് കേരളം, തമിഴ്നാട്, കര്ണാടക, ഗോവ, മഹാരാഷ്ട്ര, ബീഹാര്, പശ്ചിമ ബംഗാള്, അസ്സം, മേഘാലയ, പോണ്ടിച്ചേരി എന്നിവിടങ്ങളിലെ വവ്വാലുകളില് നിപ വൈറസിന്റെ സാന്നിധ്യം കണ്ടെത്തിയെന്ന് ശാസ്ത്രജ്ഞ ഡോ.പ്രജ്ഞാ യാദവ് പറഞ്ഞു. എന്നാല്, തെലങ്കാന, ഗുജറാത്ത്, പഞ്ചാബ്, ഹിമാചല് പ്രദേശ്, ഒഡീഷ, ചണ്ഡീഗർ എന്നിവിടങ്ങളിലെ വവ്വാലുകളില് നിന്നും എടുത്ത സാമ്പിളുകളിൽ വൈറസ് സാന്നിധ്യം കണ്ടെത്താൻ കഴിഞ്ഞിട്ടില്ലെന്നും പഠന റിപ്പോർട്ടിൽ വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G