September 02, 2023
September 02, 2023
റിയാദ്: സൗദിയിൽ കൈമാറിക്കിട്ടിയ വാഹനത്തിൽ നിന്ന് വേദനസംഹാരി ഗുളികകൾ പിടിച്ചെടുത്ത കേസിൽ മലയാളിയ്ക്ക് ഏഴു മാസം തടവും നാടുകടത്തലും ശിക്ഷയായി വിധിച്ചു. വാഹനങ്ങൾ കൈമാറി വാങ്ങുമ്പോൾ ശ്രദ്ധിക്കണമെന്നും അധികൃതർ മുന്നറിയിപ്പ് നൽകി.
വാഹനപരിശോധനക്കിടെയാണ് സൗദി ആരോഗ്യമന്ത്രാലയം നിയന്ത്രണമേർപ്പെടുത്തിയ വേദനസംഹാരി മരുന്നുകൾ സുരക്ഷ വകുപ്പ് കണ്ടെത്തിയത്. ഡോക്ടറുടെ നിർദേശാനുസരണമല്ലാതെ വേദനസംഹാരികൾ സൂക്ഷിക്കുകയോ ഉപയോഗിക്കുകയോ ചെയ്യുന്നത് സൗദിയിൽ നിയമവിരുദ്ധമാണ്.
മുൻപ് ഈ വാഹനം ഓടിച്ചിരുന്നയാൾ ഡോക്ടറുടെ നിർദേശപ്രകാരം വാങ്ങിച്ച ഗുളികകളാണ് പിടികൂടിയത്. എന്നാൽ വാഹനത്തിൽ മരുന്നുകളുള്ളത് വാഹനം കൈമാറിക്കിട്ടിയപ്പോൾ ഇദ്ദേഹം അറിഞ്ഞിരുന്നില്ല. ഡോക്ടറുടെ കുറിപ്പടി ഹാജരാക്കാൻ ഇദ്ദേഹത്തിന് കഴിയാത്തതിനെ തുടർന്നാണ് നിയമനടപടികൾ സ്വീകരിച്ചത്. ആദ്യത്തെ ഉടമസ്ഥൻ സൗദി വിട്ടു പോയിരുന്നതിനാൽ ഇയാൾ കൂടുതൽ കുരുക്കിലായി.
അതേസമയം, അന്വേഷണത്തിൽ ശിക്ഷ വിധിക്കപ്പെട്ടയാൾ നിരപരാധിയാണെന്ന് തെളിഞ്ഞിട്ടുണ്ട്. ഇദ്ദേഹത്തെ കുറ്റവിമുക്തനാക്കാനുള്ള ശ്രമം ആരംഭിച്ചിട്ടുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9