October 28, 2023
October 28, 2023
കുവൈത്ത്: ഗസയിലെ ആശുപത്രിക്ക് നേരെ ഇസ്രയേല്‍ നടത്തിയ ബോംബാക്രമണത്തെ പിന്തുണച്ച് സാമൂഹിക മാധ്യമങ്ങളില്‍ കുറിപ്പിട്ട മലയാളി നഴ്‌സിനെ കുവൈത്തില്‍ നിന്നും നാടുകടത്തി. കുവൈത്തിലെ മുബാറക് അല്‍ കബീര്‍ ആശുപത്രിയില്‍ ജോലി ചെയ്തിരുന്ന പത്തനംതിട്ട സ്വദേശിയായ നഴ്‌സിനെയാണ് നാടുകടത്തിയത്. ആശുപത്രി അധികൃതര്‍ ജോലിയില്‍ നിന്നും പിരിച്ചുവിട്ടതിന് പിന്നാലെയാണ് നാടുകടത്തല്‍.
നഴ്‌സിനെതിരെ നേരത്തെ അധികൃതര്‍ കേസെടുത്തിരുന്നു. ഭര്‍ത്താവിനും കുട്ടികള്‍ക്കുമൊപ്പം കുവൈത്തില്‍ താമസിച്ചുവരികയായിരുന്ന നഴ്‌സ് കഴിഞ്ഞ ആഴ്ചയാണ് ഇസ്രയേല്‍ അനുകൂല പോസ്റ്റിട്ടത്. കുവൈത്തിലെ അഭിഭാഷകന്‍ നഴ്‌സിനെതിരെ പബ്ലിക് പ്രോസിക്യൂഷന് മുമ്പാകെ പരാതി നല്‍കുകയായിരുന്നു.
സമാന സംഭവത്തില്‍ ബഹ്‌റൈനില്‍ കര്‍ണാടക സ്വദേശിയായ ഡോക്ടറെ കഴിഞ്ഞ ആഴ്ച അറസ്റ്റ് ചെയ്തിരുന്നു. ഫലസ്തീന്‍ വിദ്വേഷ പോസ്റ്റിട്ടതിന് ഡോ. സുനില്‍ ജെ റാവുവാണ് ബഹ്‌റൈനില്‍ നിയമനടപടി നേരിടുന്നത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
