December 27, 2023
December 27, 2023
റിയാദ്: റിയാദിൽ സോഫ നിർമാണശാലയുടെ ഗോഡൗണിന് തീപിടിച്ച് മലപ്പുറം സ്വദേശി മരിച്ചു. മലപ്പുറം നിലമ്പൂർ വഴിക്കടവ് തോട്ടുംകടവത്ത് അബ്ദുൽ ജിഷാർ (39) ആണ് മരിച്ചത്. റിയാദിലെ ഷിഫയിൽ ഇന്നലെ (ചൊവ്വാഴ്ച) രാവിലെയാണ് സംഭവം. ഒരാഴ്ച മുമ്പാണ് ജിഷാർ നാട്ടിൽ നിന്ന് അവധി കഴിഞ്ഞെത്തിയത്.
രാവിലെ ഏഴ് മണിയോടെ തൊട്ടടുത്ത ഗോഡൗണിൽ തീപിടിത്തമുണ്ടാവുകയും സോഫാസെറ്റ് നിർമാണ ഗോഡൗണിലേക്ക് പടർന്നുപിടിക്കുകയുമായിരുന്നു. ആ സമയത്ത് ഗോഡൗണിലുണ്ടായിരുന്ന ജീവനക്കാരെല്ലാം പുറത്തേക്ക് ഓടി രക്ഷപ്പെട്ടെങ്കിലും ഫോണിൽ സംസാരിക്കുകയായിരുന്ന ജിഷാറിന് രക്ഷപ്പെടാൻ കഴിഞ്ഞില്ല. അപ്പോഴേക്കും ഗോഡൗൺ മുഴുവൻ തീ പടർന്നിരുന്നു.
സംഭവമുണ്ടായ ഉടൻ സിവിൽ ഡിഫൻസിന്റെ നേതൃത്വത്തിൽ അഗ്നിശമന സേനയും പൊലീസുമെത്തി തീ നിയന്ത്രണ വിധേയമാക്കി. ഇന്നലെ ഉച്ചയോടെയാണ് ജിഷാറിന്റെ മൃതദേഹം പുറത്തെടുത്തത്. മൃതദേഹം ശുമൈസി ആശുപത്രി മോർച്ചറിയിലേക്ക് മാറ്റി. പിതാവ്: അബ്ദുറഹ്മാൻ. മാതാവ്: മറിയുമ്മ. ഭാര്യ: സക്കിറ. മക്കൾ: അഫീഫ, റൂബ, ആമീർ, അനു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
