September 27, 2023
September 27, 2023
കുവൈത്ത് സിറ്റി - കുവൈത്ത് ധനമന്ത്രാലയത്തിന്റെ വെബ്‌സൈറ്റില്‍ നിന്ന് അനധികൃതമായി ചോര്‍ത്തിയ ഡാറ്റ വില്‍ക്കുമെന്ന് ഭീഷണി മുഴക്കി ഹാക്കര്‍. ഡാറ്റ തിരികെ ലഭിക്കണമെങ്കിൽ ഏഴു ദിവസത്തിനകം 15 ബിറ്റ്‌കോയിനുകള്‍ (നാലു ലക്ഷം ഡോളര്‍) നൽകണമെന്നാണ് ഹാക്കര്‍ ആവശ്യപ്പെടുന്നത്. ഏഴു ദിവസത്തിനകം പണം നല്‍കിയില്ലെങ്കില്‍ ഡാറ്റ വില്‍ക്കുമെന്നും ഹാക്കർ ഭീഷണിപ്പെടുത്തിയിട്ടുണ്ട്.
അതേസമയം, സര്‍ക്കാര്‍ ജീവനക്കാരുടെ ശമ്പളവുമായി ബന്ധപ്പെട്ട വിവരങ്ങള്‍ ധനമന്ത്രാലയത്തിന്റെ സിസ്റ്റത്തില്‍ സൂക്ഷിക്കുന്നില്ലെന്ന് മന്ത്രാലയം വ്യക്തമാക്കി. മന്ത്രാലയത്തിൽ സൈബര്‍ ആക്രമണമുണ്ടായ ആദ്യ ദിവസം തന്നെ ധനമന്ത്രാലയത്തിലെ സാങ്കേതിക സംവിധാനങ്ങൾ മറ്റു മന്ത്രാലയങ്ങളിൽ നിന്ന് വിഛേദിച്ചിട്ടുണ്ടെന്ന് അധികൃതർ കൂട്ടിച്ചേർത്തു. കൂടാതെ, മുഴുവന്‍ സര്‍ക്കാര്‍ വകുപ്പുകളുടെയും സാമ്പത്തിക ഇടപാടുകള്‍ മുടങ്ങാതെ നടക്കുന്നുണ്ടെന്നും ധനമന്ത്രാലയം അറിയിച്ചു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
