January 13, 2024
January 13, 2024
ദോഹ: എഎഫ്സി ഏഷ്യന്കപ്പില് ഇന്ത്യയ്ക്കെതിരെ ഓസ്ട്രേലിയയ്ക്ക് ജയം. ഓസ്ട്രേലിയ 2-0ന് ഇന്ത്യയെ പരാജയപ്പെടുത്തി. രണ്ടാം പകുതിയില് 51, 73 മിനിറ്റുകളില് ഓസ്ട്രേലിയ ഗോള് നേടി. ഓസ്ട്രേലിയന് താരം ജാക്സന് ഇര്വൈന് ഇന്ത്യക്കെതിരെ ആദ്യ ഗോളടിച്ചു. ടൂര്ണമെന്റിന്റെ രണ്ടാം ദിനത്തിലെ ഇന്ത്യ-ഓസ്ട്രേലിയ പോരാട്ടത്തില് രണ്ടാം പകുതിയിലാണ് ആദ്യ ഗോള് സംഭവിച്ചത്. അല് റയ്യാന് സ്റ്റേഡിയത്തില് 2.30ന് ആരംഭിച്ച മത്സരത്തില് 51-ാം മിനിറ്റിലാണ് ഓസ്ട്രേലിയ ആദ്യ ഗോള് നേടിയത്.
സ്റ്റേഡിയത്തില് തിങ്ങിനിറഞ്ഞ ഇന്ത്യന് ഫുട്ബോള് ആരാധകര് നിരാശരായി. ആവേശം കൊടിമുടി കയറിയ മാച്ചില് 73-ാം മിനിറ്റില് ഇന്ത്യ രണ്ടാമത്തെ ഗോളും വഴങ്ങി. മത്സരത്തിന്റെ ആദ്യ പകുതിയില് ഓസ്ട്രേലിയയ്ക്ക് 12 കോര്ണറുകള് ലഭിച്ചെങ്കിലും ഗോള് നേടാനായിരുന്നില്ല. ഓസ്ട്രേലിയയെ പരിധിവരെ പ്രതിരോധിക്കാന് സുനില് ഛേത്രി നയിക്കുന്ന ഇന്ത്യന് ടീമിനായി. കളിക്കിടെ ഇന്ത്യയുടെ സന്ദേശ് ജിംഗന് പരിക്കേല്ക്കുകയും ചെയ്തു.
അതേസമയം പരിക്കുകളെത്തുടര്ന്ന് മലയാളി താരം സഹല് അബ്ദുല് സമദ് കളിച്ചിരുന്നില്ല. 2011ലെ ഏഷ്യന് കപ്പ് ഗ്രൂപ്പ് ഘട്ടത്തിലും ഓസ്ട്രേലിയയ്ക്കെതിരെ ഇന്ത്യ പരാജയപ്പെട്ടിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F