January 10, 2024
January 10, 2024
ദോഹ: ഖത്തര് എഎഫ്സി ഏഷ്യന് കപ്പ് ടൂര്ണമെന്റിന്റെ ഭാഗമായി ദോഹ മെട്രോ, മെട്രോ ലിങ്ക് സര്വീസുകളുടെ പ്രവര്ത്തന സമയത്തില് മാറ്റം പ്രഖ്യാപിച്ചു. ടൂര്ണമെന്റിന്റെ ഉദ്ഘാടനത്തിനായി ദോഹ മെട്രോയുടേയും ലുസൈല് ട്രാമിന്റേയും പ്രവര്ത്തന സമയം മാറ്റിയതായി ഔദ്യോഗിക സോഷ്യല് മീഡിയ ചാനലുകളിലൂടെ ദോഹ മെട്രോ അധികൃതര് അറിയിച്ചു. ജനുവരി 12, വെള്ളിയാഴ്ച ഉച്ചയ്ക്ക് 12 മണിമുതല് മെട്രോ, മെട്രോ ലിങ്ക് സര്വീസുകള് ആരംഭിക്കും. സ്പോര്ട്സ് സിറ്റിയിലേക്കുള്ള മെട്രോ എക്സ്പ്രസ്, അല് വാബ് ക്യുഎല്എം (QLM) സ്റ്റേഷന്റെ ഷെല്ട്ടര് 2-ല് നിന്ന് സര്വീസുകള് നടത്തുമെന്നും അതോറിറ്റി അറിയിച്ചു.
ചില മേഖലകളിലെ മെട്രോ ലിങ്ക് സേവനങ്ങളിലും മാറ്റമുണ്ട്.
1) M 311 മെട്രോ ലിങ്ക് (മുറൈഖ്) - സ്പോര്ട്സ് സിറ്റി സ്റ്റേഷന് പകരം അല് സുഡാനില് നിന്ന് പ്രവര്ത്തിക്കും.
2) M 202 , M 203 മെട്രോ ലിങ്ക് ( ഘരഫത്ത് അല് റയ്യാന്, വെസ്റ്റ് & അല് ഘരാഫ സ്പോര്ട്സ് ക്ലബ്ബ് ) - എജ്യൂക്കേഷന് സിറ്റി സ്റ്റേഷന് പകരം ഖത്തര് നാഷണല് ലൈബ്രറി സ്റ്റേഷനിലെ ഷെല്ട്ടര് 1ല് നിന്ന് പ്രവര്ത്തിക്കും.
ടൂര്ണമെന്റിനെത്തുന്ന ആരാധകര്ക്കായി 37 മെട്രോ സ്റ്റേഷനുകള് സജ്ജമാണെന്നും അഞ്ച് സ്റ്റേഡിയങ്ങള് മെട്രോയുമായും നാല് സ്റ്റേഡിയങ്ങള് സ്വകാര്യ ട്രാന്സ്പോര്ട്ട് ബസുകള് വഴിയും ബന്ധിപ്പിച്ചിട്ടുണ്ടെന്നും എഎഫ്സി പ്രാദേശിക സംഘാടക സമിതിയുടെ മൊബിലിറ്റി ആന്ഡ് ലോജിസ്റ്റിക്സ് എക്സിക്യൂട്ടീവ് ഡയറക്ടര് ഫൈസല് അല് മൊഫ്ത പറഞ്ഞു.
ടൂര്ണമെന്റിന് വേദിയാകുന്ന ഒന്പത് സ്റ്റേഡിയങ്ങള്ക്ക് ചുറ്റും 81,000 പാര്ക്കിംഗ് സ്ഥലങ്ങള് തയ്യാറാക്കിയതായും 600 പരിസ്ഥിതി സൗഹൃദ ബസുകള് മാധ്യമങ്ങള്ക്കും ആരാധകര്ക്കുമായി സേവനം നടത്തുമെന്നും അദ്ദേഹം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F