January 15, 2024
January 15, 2024
ഡല്ഹി: കനത്ത മൂടല്മഞ്ഞിനെ തുടര്ന്ന് ഡല്ഹി വിമാനത്താവളത്തിന്റെ പ്രവര്ത്തനങ്ങള് തടസ്സപ്പെട്ടു. നൂറിലധികം വിമാനങ്ങള് വൈകുകയും 56 വിമാന സര്വീസുകള് റദ്ദാക്കുകയും ചെയ്തു. വ്യോമയാന വെബ്സൈറ്റായ ഫ്ളൈറ്റ് റഡാര് അനുസരിച്ച്, ഇന്ന് (ജനുവരി 15) ഡല്ഹിയില് നിന്ന് പുറപ്പെടേണ്ട 168 വിമാനങ്ങള് വൈകിയതായാണ് റിപ്പോര്ട്ട്.
അതേസമയം മൂടല്മഞ്ഞ് കുറഞ്ഞ ഘട്ടത്തില് രാവിലെ ചില സര്വീസുകള് പുനരാരംഭിച്ചതായും അധികൃതര് അറിയിച്ചു. രാജ്യത്തിന്റെ വിവിധ ഭാഗങ്ങളില് നിന്ന് ഡല്ഹിയിലേക്കുള്ള ട്രെയിന് സര്വീസുകളും തടസപ്പെട്ടു. 18-ഓളം സര്വീസുകള് വൈകിയതായി റോയിട്ടേഴ്സ് റിപ്പോര്ട്ട് ചെയ്തു.
ഡല്ഹിയില് ചൊവ്വാഴ്ച (ജനുവരി 16) വരെ കനത്ത മൂടല്മഞ്ഞ് തുടരുമെന്ന് കാലാവസ്ഥ കേന്ദ്രം പ്രവചിച്ചിട്ടുണ്ട്. നിലവില് ഡല്ഹിയില് റിപ്പോര്ട്ട് ചെയ്യുന്ന കുറഞ്ഞ താപനില നാല് ഡിഗ്രി സെല്ഷ്യസാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F