December 19, 2023
December 19, 2023
ദോഹ: ഖത്തര് വേദിയാകുന്ന എഎഫ്സി ഏഷ്യന് കപ്പ് ടൂര്ണമെന്റില് മത്സരങ്ങള് നിയന്ത്രിക്കുന്നതിന് സെമി ഓട്ടോമേറ്റഡ് ഓഫ്സൈഡ് ടെക്നോളജി (SAOT) ഉപയോഗിക്കും. ടൂര്ണമെന്റിലെ മാച്ച് ഒഫിഷ്യല്സിന് വേഗത്തില് തീരുമാനമെടുക്കുന്നതിനാണ് പുതിയ സംവിധാനം. 2024 ജനുവരി മുതല് ഫെബ്രുവരി 10 വരെ ഖത്തറില് നടക്കുന്ന ടൂര്ണമെന്റിലെ 51 മത്സരങ്ങളിലും പുതിയ ടെക്നോളജി ഉപയോഗിക്കും.
ഇതാദ്യമായാണ് എഎഫ്സി ടൂര്ണമെന്റില് മത്സരങ്ങള് നിയന്ത്രിക്കുന്നതിന് സെമി ഓട്ടോമേറ്റഡ് ടെക്നോളജി സംവിധാനം ഉപയോഗിക്കുന്നത്. പുതിയ ടെക്നോളജിയുടെ ഉപയോഗം ടൂര്ണമെന്റിന്റെ നിലവാരം ഉയര്ത്തുമെന്ന് എഎഫ്സി പ്രസിഡന്റ് ഷെയ്ഖ് സല്മാന് ബിന് ഇബ്രാഹിം അല് ഖലീഫ പറഞ്ഞു.
ആര്ട്ടിഫിഷ്യല് ഇന്റലിജന്സ് ഉപയോഗിക്കുന്ന ഓട്ടോമേറ്റഡ് സംവിധാനത്തില് 12 സ്പെഷ്യലൈസ്ഡ് ക്യാമറകളാണുള്ളത്. ഇത് പന്തിന്റെ കൃത്യമായ സ്ഥാനവും കളിക്കളത്തില് കളിക്കാരുടെ സ്ഥാനവും ട്രാക്ക് ചെയ്യും. ഇത് ഓഫ്സൈഡ് ലൈനുകള് വേഗത്തില് പരിശോധിക്കാന് സഹായിക്കും. ശേഷം വിവരങ്ങള് റഫറിക്ക് കൈമാറും. കളിക്കളത്തില് അന്തിമ തീരുമാനം റഫറിയുടേതായിരിക്കും. സ്ക്രീനില് ത്രീഡി അനിമേഷന് രൂപത്തില് ദൃശ്യങ്ങള് കാണാന് കഴിയുമെന്നതാണ് SAOT യുടെ പ്രത്യേകത.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F