November 01, 2023
November 01, 2023
ദോഹ: ഏഷ്യന് ഫുട്ബോള് കോണ്ഫെഡറേഷന്റെ (എഎഫ്സി)2022ലെ മികച്ച കളിക്കാരനെ പ്രഖ്യാപിച്ചു. ലോകകപ്പ് ഫുട്ബാൾ ഗ്രൂപ്പ് റൗണ്ടിൽ അർജന്റീനയുമായുള്ള പോരാട്ടത്തിൽ ആരാധക മനസ്സിൽ ഇടം പിടിച്ച സൗദി അറേബ്യയുടെ സാലിം അൽ ദൗസരിക്കാണ് ഏറ്റവും മികച്ച താരത്തിനുള്ള പുരസ്കാരം. മെല്ബണ് താരം മാത്യു ലെക്കിയെയും ഖത്തറിന്റെ അല്മോസ് അലിയെയും പിന്നിലാക്കിയാണ് സലിം അൽ ദൗസരി മികച്ച താരത്തിനുള്ള പുരസ്കാരം നേടിയത്.
ഏറ്റവും മികച്ച വനിത താരത്തിനുള്ള പുരസ്കാരം ഓസ്ട്രേലിയയുടെ സാമന്ത ഖേർ സ്വന്തമാക്കി. ഓസ്ട്രേലിയയുടെ ഏറ്റവും ഉയർന്ന ഗോൾസ്കോറർ എന്ന വിഭാഗത്തിലാണ് സാമന്ത അംഗീകാരം നേടിയത്. മികച്ച കോച്ചിനുള്ള പുരസ്കാരം ജപ്പാന്റെ ഹജിമെ മൊരിയാസു സ്വന്തമാക്കി. മികച്ച വനിതാ കോച്ചായി ചൈനയുടെ ഷുയി ക്വിൻസിയെ തെരഞ്ഞെടുത്തു. ചൈനയെ ആദ്യമായി ഏഷ്യൻ വനിതാ കിരീട നേട്ടത്തിലേക്ക് നയിച്ചതിനുള്ള അംഗീകാരമാണ് ഷുയി നേടിയത്.
ദോഹയിലെ ഖത്തര് ഇന്റര് നാഷണല് കണ്വെന്ഷന് സെന്ററില് നടന്ന 27-മത് വാര്ഷിക പുരസ്കാര ചടങ്ങിലാണ് വിജയികളെ പ്രഖ്യാപിച്ചത്. ഇത് ആദ്യമായാണ് എഎഫ്സി വാര്ഷിക പുരസ്കാരത്തിന് ദോഹ വേദിയാകുന്നത്.
അതേസമയം, ചടങ്ങില് എഎഫ്സിയുടെ പുതിയ അവാര്ഡായ റീജനല് അസോസിയേഷന് ഓഫ് ദി ഇയര്, മോഡിഫൈഡ് മെംബര് അസോസിയേഷന് ഓഫ് ദി ഇയര് പുരസ്കാരം എന്നിവ ഉള്പ്പെടെ 18 അവാര്ഡുകൾ സമ്മാനിച്ചു. 2022 ലോകകപ്പ് പ്രദേശിക സംഘാടകരായ സുപ്രീം കമ്മിറ്റി ഫോര് ഡെലിവറി ആന്റ് ലെഗസിക്ക് പ്രത്യേക സ്മാരക ഫലകവും ചടങ്ങില് സമ്മാനിച്ചു. നാല് വര്ഷത്തിന് ശേഷമാണ് എഎഫ്സി വാര്ഷിക പുരസ്കാര ചടങ്ങ് നടക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F