March 23, 2024
March 23, 2024
ദുബായ്: ദുബായിൽ പൊതുജനാരോഗ്യ സുരക്ഷ മാനദണ്ഡങ്ങൾ ലംഘിച്ച് തെരുവിൽ കച്ചവടം നടത്തിയ 47 പേർ അറസ്റ്റിൽ. തെരുവിൽ പഴം, പച്ചക്കറി എന്നിവയുടെ വിൽപനക്ക് അനധികൃതമായി ഉപയോഗിച്ച നിരവധി വാഹനങ്ങളും പൊലീസ് പിടിച്ചെടുത്തിട്ടുണ്ട്. ആവശ്യമായ ലൈസൻസില്ലാതെ റോഡരികിൽ വാഹനങ്ങൾ പാർക്ക് ചെയ്ത് കച്ചവടം നടത്തുന്നവരിൽ നിന്നും സാധനങ്ങൾ വാങ്ങുന്നത് ഗുരുതര ആരോഗ്യ പ്രശ്നങ്ങൾക്ക് വഴിവെക്കുമെന്നും അധികൃതർ വ്യക്തമാക്കി. കാലാവധി കഴിഞ്ഞ ശേഷം ഉപയോഗ ശൂന്യമായതോ ഉൽപാദിപ്പിച്ച സ്ഥലം വ്യക്തമാക്കത്തതോ ആയ വസ്തുക്കളാണ് ഇത്തരക്കാർ കൂടുതലായി വിൽപനക്കെത്തിക്കുന്നത്.
കൃത്യമായ ഗുണനിലവാര പരിശോധനയും ഈ ഉൽപന്നങ്ങളിൽ നടത്തിയിട്ടുണ്ടാവില്ലെന്ന് ജനറൽ ഡിപ്പാർട്മെന്‍റ് ഓഫ് ക്രിമിനൽ ഇൻവെസ്റ്റിഗേഷനിലെ അനധികൃത കച്ചവടക്കാരെ നിയന്ത്രിക്കുന്ന വകുപ്പ് തലവൻ ലഫ്റ്റനന്‍റ് കേണൽ താലിബ് മുഹമ്മദ് അൽ അമരി പറഞ്ഞു. നിയമപരമല്ലാത്ത പ്രവർത്തനങ്ങളെ ഇല്ലാതാക്കി സമൂഹത്തിന്‍റെ സുരക്ഷ ഉറപ്പുവരുത്തുന്നതിന്‍റെ ഭാഗമായാണ് നടപടി. അനധികൃത കച്ചവടങ്ങൾ കണ്ടെത്താൻ തുടർന്നും പരിശോധന നടത്തും.
നിയമലംഘനം ശ്രദ്ധിയിൽപെട്ടാൽ 901 എന്ന ടോൾ ഫ്രീ നമ്പറിലോ ദുബായ് പൊലീസിന്‍റെ സ്മാർട്ട് ആപ്പിലോ അറിയിക്കണമെന്നും അധികൃതർ ജനങ്ങളോട് അഭ്യർഥിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
