September 18, 2023
September 18, 2023
ദോഹ: ടി20 ഐ ഗൾഫ് ക്രിക്കറ്റ് ചാമ്പ്യൻഷിപ്പിൽ ഒമാനുമായി 19 റൺസിന് ഖത്തറിന് തോൽവി. ഇന്നലെ (ഞായറാഴ്ച്ച) ദോഹയിലെ വെസ്റ്റ് എൻഡ് ഇന്റർനാഷണൽ ക്രിക്കറ്റ് സ്റ്റേഡിയത്തിലായിരുന്നു മത്സരം.
ടോസ് നേടി ബാറ്റിങ് തിരഞ്ഞെടുത്ത ഒമാൻ നിശ്ചിത 20 ഓവറിൽ 149 റൺസിന് എല്ലാവരും പുറത്താകുകയായിരുന്നു. കൂടാതെ, അടുത്ത ബാറ്റിങ്ങിനിറങ്ങിയ ഖത്തറിന് ഏഴ് വിക്കറ്റ് നഷ്ടത്തിൽ 130 റൺസ് മാത്രമാണ് നേടാൻ സാധിച്ചത്.
ഒമാനിന്റെ മുഹമ്മദ് നദീമാണ് (36) ടോപ് സ്കോറർ. അതേസമയം, അർഷാദ് (31), ജാസിം ഖാൻ (26) എന്നിവരാണ് ഖത്തറിന്റെ സ്കോറർമാർ. വെള്ളിയാഴ്ച നടന്ന ഉദ്ഘാടന മത്സരത്തിൽ ബഹ്റൈനിനെ പരാജയപ്പെടുത്തിയ ഖത്തർ, ഇന്ന് (തിങ്കളാഴ്ച്ച) അടുത്ത മത്സരത്തിൽ കുവൈത്തിനെ നേരിടും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G