September 17, 2019
September 17, 2019
തിരുവനന്തപുരം : സൗദി ആരോഗ്യ മന്ത്രാലയത്തിന് കീഴിലെ ആശുപത്രികളിലേക്ക് നോർക റൂട്സ് വഴി കേരളത്തിൽ നിന്നുള്ള നെഴ്സുമാരെ നിയമിക്കുന്നു.ബി.എസ്.സി,എം.എസ്.സി,പി.എച്.ഡി യോഗ്യതയുള്ള നെഴ്സുമാർക്കാണ് അവസരം.കാർഡിയാക് ക്രിറ്റിക്കൽ കെയർ (മുതിർന്നവരും കുട്ടികളും),എമർജൻസി വിഭാഗം,മെഡിക്കൽ ആൻഡ് സർജിക്കൽ കെയർ വിഭാഗം,സർജറി (പുരുഷൻ,സ്ത്രീ) എന്നീ വിഭാഗങ്ങളിലാണ് നെഴ്‌സുമാരുടെ ഒഴിവുകളുള്ളത്.
സൗദി ആരോഗ്യ മന്ത്രാലയത്തിന്റെ ഷെഡ്യുൾ പ്രകാരം 2019 ഒക്ടോബർ 15 മുതൽ 20 വരെ ന്യൂഡൽഹിയിലാണ് അഭിമുഖം നടക്കുക.താല്പര്യമുള്ളവർ saudimoh.norka@gmail.com എന്ന ഇ-മെയിൽ വിലാസത്തിൽ വിശദമായ ബയോഡാറ്റ,വെളുത്ത പശ്ചാത്തലത്തിലുള്ള ഫുൾ സൈസ് ഫോട്ടോ,ആധാർ,പാസ്പോർട്ട് പകർപ്പുകൾ എന്നിവ ഒക്ടോബർ 10 ന് മുമ്പ് സമർപ്പിക്കണമെന്ന് നോർക റൂട്സ് ചീഫ് എക്സിക്യൂട്ടീവ് ഓഫീസർ അറിയിച്ചു.
കൂടുതൽ വിവരങ്ങൾ www.norkaroots.org യിലും നോർക്കാ റൂട്സ് ടോൾ ഫ്രീ നമ്പറായ 1800 425 3939 (ഇന്ത്യയിൽ നിന്ന് ) 0091 88020 12345 (വിദേശത്ത് നിന്ന് മിസ്ഡ് കോൾ) 0471 2770 577,2770 544 എന്ന നമ്പരുകളിലും ലഭിക്കും.
