November 15, 2022
November 15, 2022
ന്യൂസ് ഏജൻസി
ദോഹ : ഫിഫ ലോകകപ്പ് വേളയിൽ ആതിഥേയ രാജ്യമായ ഖത്തറിനോട് ആദരവ് പുലർത്തണമെന്ന് ഫ്രഞ്ച് ഫുട്ബോൾ നായകൻ ഹ്യൂഗോ ലോറിസ് പറഞ്ഞു.ലെ ബ്ലൂസ് എന്നറിയപ്പെടുന്ന ഫ്രഞ്ച് ദേശീയ ടീം വിജയമാവർത്തിക്കാൻ ലക്ഷ്യമാക്കി ഖത്തറിലേക്ക് പോകുന്നതിന് മുമ്പ് ക്ലെയർ ഫോണ്ടെയ്നിൽ വിളിച്ചുചേർത്ത വാർത്താസമ്മേളനത്തിലാണ് അദ്ദേഹം ഇക്കാര്യം ആവശ്യപ്പെട്ടത്.നവംബർ 20 ന് ടൂർണമെന്റ് ആരംഭിക്കുന്നതിന് മുന്നോടിയായി ഫ്രഞ്ച് ടീം ബുധനാഴ്ച ദോഹയിൽ എത്തും,
“ ഫ്രാൻസിൽ വിദേശികളെ സ്വാഗതം ചെയ്യുമ്പോൾ, അവർ ഞങ്ങളുടെ നിയമങ്ങൾ പാലിക്കണമെന്നും നമ്മുടെ സംസ്കാരത്തെ ബഹുമാനിക്കണമെന്നും ഞങ്ങൾ പലപ്പോഴും ആഗ്രഹിക്കുന്നു, ഖത്തറിലേക്ക് പോകുമ്പോഴും ഞങ്ങൾ അതുതന്നെ ചെയ്യും,അത്രയേ ഉള്ളൂ.." അദ്ദേഹം പറഞ്ഞു.
ദിദിയർ ദെഷാംപ്സിനു കീഴിൽ തുടർച്ചയായ രണ്ടാം തവണയും ലോകകപ്പുയർത്താൻ ലക്ഷ്യമാക്കിയാണ് ഫ്രാൻസ് നാളെ ഖത്തറിൽ എത്തുന്നത്.നവംബർ 22 ന് അൽ ജനൂബ് സ്റ്റേഡിയത്തിൽ ആസ്ട്രേലിയയുമായാണ് 2022 ലോകകപ്പിലെ ഫ്രാൻസിന്റെ അരങ്ങേറ്റ മത്സരം.ഗ്രൂപ് ഡിയിൽ
26ന് ഡെന്മാർക്കുമായും 30ന് ട്യുണീഷ്യയുമായും ഫ്രാൻസ് കൊമ്പുകോർക്കും.
അതേസമയം,ചില ഫ്രഞ്ച് പത്രങ്ങളും ചില നഗര മേയർമാരും ഉൾപെടെ ഖത്തർ ലോകകപ്പിനെതിരെ കടുത്ത വിമർശനങ്ങളുമായി ഇപ്പോഴും രംഗത്തുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക.