March 15, 2021
March 15, 2021
റിയാദ് : ദക്ഷിണ റിയാദിൽ ദന്തഡോക്ടറായി ചികിത്സ നടത്തിവന്ന കൊല്ലപ്പണിക്കാരൻ പിടിയിലായി.ഇഖാമയിൽ 'കൊല്ലപ്പണിക്കാരൻ' എന്ന് രേഖപ്പെടുത്തിയ വ്യാജ ഡോക്ടർ ഉൾപെടെ ഏതാനും വിദേശികളും അംഗീകാരമില്ലാതെ പ്രവർത്തിച്ചുവരികയായിരുന്ന ഡെന്റൽ ക്ലിനിക്കിൽ നിന്ന് അറസ്റ്റിലായി.താമസസ്ഥലം കേന്ദ്രീകരിച്ച് ദന്തരോഗചികിത്സ നടക്കുന്നുണ്ടെന്ന രഹസ്യവിവരത്തെ തുടർന്ന് റിയാദ് ആരോഗ്യവിഭാഗം പോലീസുമായി ചേർന്ന് നടത്തിയ റെയിഡിലാണ് ഇവരെ പിടികൂടിയത്.രോഗികളെ ചികിൽസിക്കാൻ ഉപയോഗിച്ചിരുന്ന നിരവധി മെഡിക്കൽ സാമഗ്രികളും ഇവിടെ നിന്ന് അധികൃതർ കണ്ടുകെട്ടിയിട്ടുണ്ട്.വിശദമായ അന്വേഷണത്തിനായി പ്രതികളെ പബ്ലിക് പ്രോസിക്യൂഷന് കൈമാറിയതായി പോലീസ് അറിയിച്ചു.
നിയമത്തെ വെല്ലുവിളിച്ച് അംഗീകൃതമല്ലാത്ത രീതിയിൽ ആരോഗ്യമേഖലയിൽ പ്രവർത്തിക്കുന്ന സ്ഥാപനങ്ങൾക്കും വ്യക്തികൾക്കുമെതിരെ കർശനമായ നടപടികൾ സ്വീകരിക്കുമെന്ന് ആരോഗ്യവിഭാഗം മുന്നറിയിപ്പ് നൽകി.സൗദിയിൽ വ്യാജ ചികിത്സ ചികിത്സ നടത്തി പിടിയിലായാൽ ആറു മാസം ജയിൽ ശിക്ഷയും ഒരു ലക്ഷം റിയാൽ പിഴ അടക്കുകയും വേണമെന്ന് ആരോഗ്യ മന്ത്രാലയം അറിയിച്ചു.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
