June 13, 2022
June 13, 2022
ചെന്നൈ: സനാതന ധര്മം ഉയര്ത്തിപ്പിടിക്കാന് ഹിംസയുടെ പാത പിന്തുടരുന്നതില് തെറ്റില്ലെന്ന തമിഴ്നാട് ഗവര്ണര് ആര്.എന്.രവിയുടെ പ്രസംഗത്തിനെതിരെ ഡി.എം.കെയും സഖ്യകക്ഷികളും പ്രതിഷേധവുമായി രംഗത്തെത്തി. ചെന്നൈയില് നടന്ന പൊതുചടങ്ങിലാണ് ഗവര്ണര് വിവാദ പരാമര്ശങ്ങള് നടത്തിയത്.
ഗവര്ണര് വ്യക്തിപരമായ ആത്മീയ ചിന്തകള് പൊതുചടങ്ങില് പറയുന്നത് അദ്ദേഹം വഹിക്കുന്ന ഭരണഘടനാപരമായ പദവിക്ക് ചേര്ന്നതല്ലെന്ന് ഡി.എം.കെ നേതാവ് ടി.ആര്. ബാലു അഭിപ്രായപ്പെട്ടു. ഇന്ത്യയെ നയിക്കുന്നത് ഭരണഘടനയാണെന്നും സനാതന ധര്മമല്ലെന്നും ഗവര്ണറെ ഓര്മിപ്പിക്കുന്നതായും ബാലു പറഞ്ഞു.
ഡി.എം.കെ സഖ്യകക്ഷികളായ ഇടതുകക്ഷികളും എം.ഡി.എം.കെ, വിടുതലൈ ശിറുതൈകള് കക്ഷി തുടങ്ങിയവയും ഗവര്ണറുടെ വിവാദ പ്രസംഗത്തില് പ്രതിഷേധിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക