April 09, 2020
April 09, 2020
മക്ക : മൂന്ന് ജീവനക്കാർക്ക് കോവിഡ് ബാധ സ്ഥിരീകരിച്ചതിനെ തുടർന്ന് മക്ക കഅകിയയിലെ പാണ്ട ഹൈപ്പർ മാർക്കറ്റ് അടച്ചുപൂട്ടിയതായി ബന്ധപ്പെട്ടവർ അറിയിച്ചു. കഴിഞ്ഞ ചൊവ്വാഴ്ച ജീവനക്കാർ ഹൈപ്പർമാർക്കറ്റിലേക്ക് പ്രവേശിക്കുന്നതിനിടെയാണ് ശരീരത്തിലെ താപനില ഉയർന്നതായി ശ്രദ്ധയിൽ പെട്ടത്. തുടർന്ന് നടത്തിയ പരിശോധനയിൽ കോവിഡ് പോസറ്റിവാണെന്ന് കണ്ടെത്തി.
ഇതോടെ ഉപയോക്താക്കളുടെയും ജീവനക്കാരുടെയും സുരക്ഷ മുൻനിർത്തി സ്ഥാപനം താൽകാലികമായി അടക്കുകയായിരുന്നു. സ്ഥാപനം പൂർണമായും അണുവിമുക്തമാക്കാനുള്ള ശ്രമങ്ങൾ തുടരുകയാണ്. മുൻകരുതലായി സ്ഥാപനത്തിലെ മുഴുവൻ ജീവനക്കാരെയും ഐസൊലേഷനിലാക്കിയിട്ടുണ്ട്. അണുനശീകരണം പൂർത്തിയാക്കിയ ശേഷം മറ്റ് ശാഖകളില് ജീവനക്കാരെ വെച്ച് സ്ഥാപനം തുറന്നു പ്രവർത്തിക്കുമെന്ന് പാണ്ട മാനേജ്‌മെന്റ് അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
