April 01, 2021
April 01, 2021
ജിദ്ദ: സൗദി അറേബ്യയിലെ ജിദ്ദയില്‍ ഓടിക്കൊണ്ടിരുന്ന കാര്‍ മേല്‍പ്പാലത്തില്‍ നിന്ന് താഴേക്ക് പതിച്ച് വന്‍ അപകടമുണ്ടായി.തലനാരിഴയ്ക്കാണ് വാഹനത്തിലുണ്ടായിരുന്നവര്‍ പരിക്കുകളോടെ രക്ഷപ്പെട്ടത്.
ജിദ്ദയിലെ സിത്തീന്‍ റോഡും തഹ്ലിയ റോഡും സന്ധിക്കുന്ന ഇന്റര്‍സെക്ഷനില്‍ നിയന്ത്രണം വിട്ട കാര്‍ മേല്‍പ്പാലത്തില്‍ നിന്ന് താഴേക്ക് പതിക്കുകയായിരുന്നു.കാര്‍ വെട്ടിപ്പൊളിച്ചാണ് സിവില്‍ ഡിഫന്‍സ് അധികൃതര്‍ ഡ്രൈവറെ പുറത്തെടുത്തത്.അപകടത്തില്‍ രണ്ടു പേര്‍ക്ക് പരിക്കേറ്റു.അപകടത്തില്‍ പെട്ട കാര്‍ പൂര്‍ണമായും തകര്‍ന്നു,മറ്റൊരു കാറിനും കേടുപാടുകള്‍ പറ്റി.
തിരക്കേറിയ സമയത്തുണ്ടായ അപകടത്തെ തുടര്‍ന്ന് ഇന്റര്‍സെക്ഷനിലെ അടിപ്പാതയില്‍ ഏറെ സമയം ഗതാഗത തടസ്സം അനുഭവപ്പെട്ടു.അപകടത്തിന്റെ ദൃശ്യങ്ങള്‍ അടങ്ങിയ വീഡിയോ സമൂഹ മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
