April 16, 2023
April 16, 2023
ന്യൂസ്‌റൂം ബ്യൂറോ
റിയാദ്: അല്‍ ഖസീം-വാദി അബുറമദില്‍ കുടുംബാംഗങ്ങളോടൊപ്പം മഴവെള്ളപ്പാച്ചില്‍ മുറിച്ചുകടക്കാന്‍ ശ്രമിക്കുന്നതിനിടെ മൂന്നു കുട്ടികള്‍ ഒഴുക്കില്‍പ്പെട്ടു മരിച്ചു. മൂന്നുപേരുടെയും മൃതദേഹം കണ്ടെടുത്തതായി ഖസീം സിവില്‍ ഡിഫന്‍സ് വിഭാഗം അറിയിച്ചു. ഏതാനും മണിക്കൂറുകളായി ഇവിടെ ശക്തമായ മഴ പെയ്തുകൊണ്ടിരിക്കുകയാണ്.
അതേസമയം, ശക്തമായ മഴയെ തുടര്‍ന്ന് ഹായിലിലെ താഴ്ന്ന പ്രദേശങ്ങളില്‍ വെള്ളക്കെട്ടു രൂപപ്പെടുകയും നിരവധി കാറുകള്‍ വെള്ളത്തില്‍ മുങ്ങുകയും ചെയ്തു. ഒരാഴ്ചയായി സൗദിയിലെ മിക്ക പ്രവശ്യയിലും ശക്തമായ മഴ ലഭിക്കുന്നുണ്ട്. അസീര്‍, ജിസാന്‍, റിയാദ്, ഖസീം, മദീന, അല്‍ജൗഫ് തുടങ്ങിയ പ്രവശ്യകളില്‍ ഇടിയോടുകൂടിയ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
