January 13, 2023
January 13, 2023
ന്യൂസ്റൂം ബ്യുറോ
ദോഹ : 2022 ലെ ഫിഫ ബെസ്റ്റ് ബഹുമതികള്ക്കുള്ള നോമിനേഷന് പ്രഖ്യാപിച്ചു. ഖത്തര് ലോകകപ്പ് കാണാന് ജിദ്ദയില് നിന്ന് ദോഹയിലേക്ക് മരുഭൂമിയിലൂടെ കാല്നടയായി യാത്ര ചെയ്ത അബ്ദുല്ല അല്സാല്മി ഫിഫ ഫാന് അവാര്ഡിന് നാമനിര്ദേശം ചെയ്യപ്പെട്ടു. സൗദി ടീമിനെ പിന്തുണക്കാനാണ് സാല്മി ഈ സാഹസിക യാത്ര ചെയ്തത്. ഫിഫ പ്ലസ് വെബ്സൈറ്റില് ഫെബ്രുവരി മൂന്ന് വരെ വോട്ട് ചെയ്യാം.
ലോകകപ്പില് അര്ജന്റീനാ ടീമിനെ പിന്തുണക്കാന് എത്തിയ അര്ജന്റീനാ ആരാധകരും മത്സര ശേഷം സ്റ്റേഡിയം വൃത്തിയാക്കിയ ജപ്പാന് ആരാധകരുമാണ് സാല്മിക്കൊപ്പം മത്സരിക്കുന്നത്.
മികച്ച കളിക്കാരനുള്ള ഫിഫ ബെസ്റ്റ് അവാര്ഡിന് യൂലിയന് അല്വാരേസ്, ലിയണല് മെസ്സി (അര്ജന്റീന), ജൂഡ് ബെലിംഗാം (ഇംഗ്ലണ്ട്), കരീം ബെന്സീമ, കീലിയന് എംബാപ്പെ (ഫ്രാന്സ്), എര്ലിംഗ് ഹാലാന്ഡ് (നോര്വെ), അശ്റഫ് ഹകീമി (മൊറോക്കൊ), റോബര്ട് ലെവന്ഡോവ്സ്കി (പോളണ്ട്), സാദിയൊ മാനെ (സെനഗാല്), ലൂക്ക മോദ്റിച് (ക്രൊയേഷ്യ), നെയ്മാര്, വിനിസിയൂസ് ജൂനിയര് (ബ്രസീല്), മുഹമ്മദ് സലാഹ് (ഈജിപ്ത്) എന്നിവര് നാമനിര്ദേശം ചെയ്യപ്പെട്ടു.
മികച്ച ഗോളിക്കായി അലിസന് ബെക്കര്, എഡേഴ്സന് (ബ്രസീല്), എമിലിയാനൊ മാര്ടിനേസ് (അര്ജന്റീന), യാസീന് ബൂനു (മൊറോക്കൊ), തിബൊ കോര്ടവ (ബെല്ജിയം) എന്നിവരാണ് പട്ടികയില്.
മികച്ച ഗോളിനുള്ള പുഷ്കാസ് ബഹുമതിക്ക് ലോകകപ്പിലെ രണ്ട് ഗോളുകളുണ്ട് -എംബാപ്പെയുടെ ഫൈനലിലെ ഗോളും ബ്രസീലിന്റെ റിച്ചാര്ലിസന്റെ ഗ്രൂപ്പ് ഘട്ടത്തിലെ ഗോളുമാണ് പരിഗണയിലുള്ളത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക