July 04, 2021
July 04, 2021
റിയാദ്:ലോക കായിക മാമാങ്കത്തില്‍ പങ്കെടുക്കാന്‍ സഊദിയുടെ പറക്കും കുതിര. ചരിത്രത്തിലാദ്യമായി സഊദി അറേബ്യയില്‍ നിന്നും ഒരു വനിതാ താരം ഒളിമ്പിക്‌സ് ഓട്ടത്സരത്തില്‍ പങ്കെടുക്കുകയാണ്. ഈ മാസം ആരംഭിക്കുന്ന ടോക്യോ ഒളിമ്പിക്സില്‍ പങ്കെടുക്കാന്‍ യോഗ്യത നേടിയിരിക്കയാണ് വനിതാ അത്ലറ്റ് യാസ്മിന്‍ അല്‍ ദബ്ബാഗ്. വനിതകളുടെ 100 മീറ്റര്‍ ഓട്ടത്തിലാണ് റെക്കോര്‍ഡോടെ യാസ്മിന്‍ യോഗ്യത നേടിയത്. സഊദിയിലെ ഏറ്റവും വേഗമേറിയ ഓട്ടക്കാരിയാണ് യാസ്മിന്‍.
സ്‌കൂള്‍ വിദ്യാഭ്യാസ കാലത്ത് ബാസ്‌കറ്റ്ബാള്‍, നീന്തല്‍, വോളിബാള്‍, ജിംനാസ്റ്റിക്സ് എന്നിവയിലെല്ലാം ഇവര്‍ പങ്കെടുത്തിരുന്നു. ട്രാക്ക് ആന്‍ഡ് ഫീല്‍ഡ് ഇനങ്ങളില്‍ മത്സരിക്കുന്ന യാസ്മിന്‍ ലോകത്തെ ഏറ്റവും വേഗമേറിയ ഓട്ടക്കാരികളിലൊരാളായ ലിന്‍ഫോര്‍ഡ് ക്രിസ്റ്റിയുടെ കീഴില്‍ മൂന്ന് വര്‍ഷമായി പരിശീലനത്തിലാണ്. യാസ്മിന്‍ കൊളംബിയ യൂണിവേഴ്സിറ്റിയിലാണ് യാസ്മിന്‍ പഠിച്ചത്. 2019ല്‍ സഊദി അറേബ്യന്‍ അത്‌ലറ്റിക്‌സ് ഫെഡറേഷനില്‍ അംഗമായി.
