September 07, 2021
September 07, 2021
ലോകകപ്പ് യോഗ്യതാമത്സരത്തിൽ ആതിഥേയരായ ഒമാനെതിരെ സൗദിക്ക് വിജയം. ചൊവ്വാഴ്ച രാത്രി(ഇന്ന്) മസ്കറ്റിൽ നടന്ന മത്സരത്തിൽ ഏകപക്ഷീയമായ ഒരു ഗോളിനാണ് സൗദി ഒമാനെ മറികടന്നത്. മറ്റൊരു മത്സരത്തിൽ യുഎഇയും സിറിയയും ഓരോ ഗോൾ വീതമടിച്ച് സമനിലയിൽ പിരിഞ്ഞു.
കഴിഞ്ഞ മത്സരത്തിൽ ജപ്പാനെ അട്ടിമറിക്കാൻ കഴിഞ്ഞതിന്റെ ആവേശവുമായെത്തിയ ഒമാന്റെ വലയിൽ സലേഹ് അൽ ഷെഹ്‌രിയാണ് പന്തെത്തിച്ചത്. ഫഹദ് അൽ മുവല്ലദിന്റെ പാസിൽ നിന്നും 42ആം മിനിറ്റിലാണ് താരം ഗോൾവല കുലുക്കിയത്. തിരിച്ചടിക്കാൻ ഒമാൻ കിണഞ്ഞുപരിശ്രമിച്ചെങ്കിലും സൗദിയുടെ പ്രതിരോധത്തിൽ വിള്ളൽ വീഴ്ത്താൻ കഴിഞ്ഞില്ല. തുടർച്ചയായ രണ്ടാം വിജയത്തോടെ സൗദി പോയിന്റ് പട്ടികയിൽ ആസ്ട്രേലിയക്കൊപ്പം ഒന്നാം സ്ഥാനത്തേക്ക് ഉയർന്നു. ഒരു വിജയവും, ഒരു പരാജയവുമായി മൂന്നാം സ്ഥാനത്താണ് ഒമാൻ.
