October 15, 2021
October 15, 2021
ജിദ്ദ : കോവിഡ് രോഗികളുടെ എണ്ണത്തിൽ കുറവ് വന്നതോടെ സൗദി അറേബ്യ കൂടുതൽ ഇളവുകൾ പ്രഖ്യാപിച്ചു. പൊതുഇടങ്ങളിൽ മാസ്ക് നിർബന്ധമല്ല എന്നതാണ് ഇളവുകളിൽ ഏറ്റവും പ്രധാനപ്പെട്ടത്. തുറസ്സായ സ്ഥലങ്ങളിൽ മാത്രമാണ് ഇളവ്. അടച്ചിട്ട ഇടങ്ങളിൽ ഉള്ളവർ തുടർന്നും മാസ്ക് ധരിക്കണം.
മക്കയിലെ ഗ്രാന്റ് മോസ്കിൽ ഇനി മുതൽ പരമാവധി ആളുകൾക്ക് പ്രാർത്ഥനാകർമ്മങ്ങളിൽ പങ്കുചേരാമെന്നും അധികൃതർ അറിയിച്ചു. പള്ളിയിലെ ജീവനക്കാരും, പ്രാർത്ഥനയ്ക്ക് എത്തുന്നവരും മാസ്ക് ധരിക്കണം. പുതിയ ഇളവുകൾ റെസ്റ്റോറന്റ് മേഖലയ്ക്കും ഉണർവ്വ് നൽകുമെന്നാണ് പ്രതീക്ഷിക്കപ്പെടുന്നത്. ഒക്ടോബർ 17 ഞായറാഴ്ച മുതലാണ് ഈ ഇളവുകൾ പ്രാബല്യത്തിൽ വരിക.