June 18, 2020
June 18, 2020
ജിദ്ദ : സൗദിയിൽ പാസ്പോർട്ട് ഇഷ്യു ചെയ്യുന്നതും പുതുക്കുന്നതും വേഗത്തിലാക്കാൻ അപേക്ഷകർ ഇന്ത്യയിലെ പൂർണ മേൽവിലാസവും അടുത്തുള്ള പോലീസ് സ്റ്റേഷന്റെ വിവരങ്ങളും ഇന്ത്യയിലെ മൊബൈൽ നമ്പറും നൽകണമെന്ന് ജിദ്ദ ഇന്ത്യൻ കോൺസുലേറ്റ് അറിയിച്ചു.ഏറ്റവും പുതിയ മാർഗ നിർദേശങ്ങൾ പ്രകാരം പാസ്പോർട്ട് ഇഷ്യു ചെയ്യുന്നതിനും പുതുക്കുന്നതിനും ഓരോ തവണയും പോലീസ് വെരിഫിക്കേഷൻ നിർബന്ധമാണ്.
അപേക്ഷയിൽ നൽകുന്ന വിലാസവും മൊബൈൽ നമ്പറും ശരിയല്ലെങ്കിൽ നടപടിക്രമങ്ങൾ വൈകും.ഇന്ത്യയിൽ പോലീസ് വെരിഫിക്കേഷൻ എളുപ്പത്തിൽ പൂർത്തിയാക്കണമെങ്കിൽ വിവരങ്ങൾ കൃത്യമായിരിക്കണമെന്നും കോൺസുലേറ്റ് അറിയിച്ചു.
യാത്ര തടസ്സപ്പെടാതിരിക്കാൻ നേരത്തെ അപേക്ഷിക്കണമെന്നും അത്യാവശ്യമാണെങ്കിൽ തത്കാൽ വഴി അപേക്ഷിക്കാമെന്നും അറിയിപ്പിൽ പറയുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
