December 19, 2021
December 19, 2021
ദമാം : ദമാമിലെ അൽകോബാറിൽ റെസ്റ്റോറന്റിനെ മേൽക്കൂര തകർന്ന് അഞ്ചുപേർക്ക് പരിക്കേറ്റു. കെട്ടിടത്തിന്റെ മുൻഭാഗത്തെ മേൽക്കൂര തകർന്ന്, ആളുകളുടെ മേലേക്ക് പതിക്കുകയായിരുന്നു. പരിക്കേറ്റവരിൽ മൂന്ന് വനിതകളും ഒരു ബാലനും ഉൾപ്പെട്ടിട്ടുണ്ടെന്ന് അധികൃതർ അറിയിച്ചു.
പരിക്കേറ്റവരെ കിങ് ഫഹദ് യൂണിവേഴ്സിറ്റി ആശുപത്രിയിൽ ചികിത്സയിൽ പ്രവേശിപ്പിച്ചു. എല്ലാവരുടെയും ആരോഗ്യനില തൃപ്തികരമാണ്. അപകടത്തെ കുറിച്ച് സമഗ്രമായ അന്വേഷണം നടത്താൻ കിഴക്കൻ പ്രവിശ്യയിലെ പ്രതിരോധമേധാവി അജാബ്‌ അൽഹർബിയോട് നിർദേശിച്ചതായി ഗവർണർ അറിയിച്ചു. കെട്ടിടത്തിന്റെ സുരക്ഷ ഉറപ്പുവരുത്താൻ നഗരസഭയ്ക്കും നിർദേശം നൽകിയിട്ടുണ്ട്.
