May 22, 2020
May 22, 2020
റിയാദ് : സൗദിയിലെ മുതിർന്ന മാധ്യമപ്രവർത്തകൻ ജമാൽ കശോഗിയെ കൊലപ്പെടുത്തിയ കേസിലെ പ്രതികൾക്ക് കശോഗിയുടെ കുടുംബം മാപ്പ് നൽകി. മകൻ സലാഹ് കശോഗി ട്വിറ്ററിലാണ് ഇക്കാര്യം അറിയിച്ചത്.വിശുദ്ധ റമദാനിലെ അനുഗ്രഹീത രാവിൽ ക്ഷമിക്കുകയും മാപ്പു നൽകുകയും ചെയ്തവർക്ക് അല്ലാഹു അർഹമായ പ്രതിഫലം നൽകുമെന്നായിരുന്നു സലാഹ് കശോഗിയുടെ ട്വീറ്റ്.
വാഷിങ്ടണ്‍ പോസ്റ്റ് കോളമിസ്റ്റും സൗദി പൗരനുമായ ജമാല്‍ കശോഗി 2018 ഒക്ടോബര്‍ രണ്ടിനാണ് തുര്‍ക്കിയിലെ സൗദി കോണ്‍സുലേറ്റില്‍ കൊല്ലപ്പെട്ടത്. കശോഗി കൊല്ലപ്പെട്ടതായി സ്ഥിരീകരിച്ച സൗദി അറേബ്യ, കൊലയില്‍ പങ്കുള്ള അഞ്ചുപേര്‍ക്ക് വധശിക്ഷ വിധിച്ചതായും വ്യക്തമാക്കിയിരുന്നു. ഇതിനിടയില്‍ കശോഗിയുടെ കൊലപാതകത്തില്‍ സൗദി ഭരണകൂടത്തിന് നേരിട്ടു പങ്കുണ്ടെന്ന തരത്തില്‍ സി.ഐ.എയുടെ റിപ്പോര്‍ട്ടുകളും പുറത്തുവന്നത് സൗദി ഭരണകൂടത്തിന് തലവേദനയായിരുന്നു.ആറു പേരാണ് കേസിൽ പ്രതികളായി ജയിലിൽ കഴിയുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
