January 29, 2022
January 29, 2022
റിയാദ് : സൗദി ഭരണാധികാരിയായ സൽമാൻ രാജാവ് നടത്തുന്ന കിങ് അബ്ദുൾ അസീസ് അന്താരാഷ്ട്ര ഖുർആൻ പാരായണ മത്സരം ഈ സെപ്റ്റംബറിൽ നടക്കുമെന്ന് സൗദി ഇസ്ലാമിക കാര്യ മന്ത്രാലയം അറിയിച്ചു. നാല്പത് വർഷങ്ങളായിനടന്നുവരുന്ന ഈ മത്സരത്തിൽ ആകെ അഞ്ചര കോടി രൂപയാണ് വിജയികൾക്ക് ലഭിക്കുക.
ലോകത്തിന്റെ നാനാഭാഗങ്ങളിലും ഉള്ള കുട്ടികൾക്ക് ഖുർആനിലെ പാണ്ഡിത്യവും പാരായണത്തിലെ കഴിവും തെളിയിക്കാൻ വേണ്ടിയാണ് മത്സരം സംഘടിപ്പിക്കുന്നതെന്ന് സൗദി ഇസ്ലാമികകാര്യ മന്ത്രി ഷെയ്ഖ് അബ്ദുൾ ലത്തീഫ് ആലുഷെയ്ഖ് അറിയിച്ചു. മത്സരത്തിൽ പാരായണം, വ്യാഖ്യാനം, മനഃപാഠമാക്കൽ തുടങ്ങി വിവിധ ഘട്ടങ്ങൾ ഉണ്ടാവും. എല്ലാ രാജ്യങ്ങളിലെയും ഇസ്ലാമിക സ്ഥാപനങ്ങൾ മന്ത്രാലയങ്ങൾ അസോസിയേഷനുകൾ തുടങ്ങിയവയെ സൗദി മന്ത്രാലയം മത്സരത്തിന്റെ ഭാഗമാവാൻ ക്ഷണിച്ചിട്ടുണ്ട്.
