February 27, 2022
February 27, 2022
ദോഹ : ഖത്തർ ടോട്ടൽ എനർജീസ് ഓപ്പൺ ടെന്നീസ് ടൂർണമെന്റിൽ പോളണ്ട് താരം ഇഗ സ്വിയാറ്റക്കിന് കിരീടം. കലാശപ്പോരാട്ടത്തിൽ എസ്റ്റോണിയൻ താരം അനെറ്റ് കൊന്റാവെയ്റ്റിനെ നേരിട്ടുള്ള സെറ്റുകൾക്ക് തകർത്താണ് സ്വിയാറ്റക്ക് തന്റെ കരിയറിലെ നാലാം ഡബ്ല്യൂ.ടി.എ കിരീടം സ്വന്തമാക്കിയത്.
ഖലീഫ ഇന്റർനാഷണൽ ടെന്നിസ് കോംപ്ലക്സിൽ നടന്ന ഫൈനലിൽ എതിരാളിക്ക് ഒരവസരവും നൽകാതെയാണ് പോളിഷ് താരം കിരീടം കീശയിലാക്കിയത്. ആദ്യ സെറ്റ് 6-2 ന് വിജയിച്ച സ്വിയാറ്റക്ക്, രണ്ടാം സെറ്റിൽ എതിരാളിക്ക് ഒരു പോയിന്റ് പോലും വിട്ടുകൊടുത്തില്ല. ഒൻപത് മത്സരങ്ങളിൽ അപരാജിതയാണെന്ന ആത്മവിശ്വാസവുമായി കോർട്ടിലിറങ്ങിയ കൊന്റാവെയ്റ്റിന് മത്സരത്തിന്റെ ഒരു ഘട്ടത്തിലും വെല്ലുവിളി ഉയർത്താൻ കഴിഞ്ഞില്ല. ലോകറാങ്കിങ്ങിൽ നിലവിൽ എട്ടാം സ്ഥാനത്താണ് സ്വിയാറ്റക്ക്.