November 03, 2021
November 03, 2021
ദോഹ : അടുത്ത വർഷം അരങ്ങേറുന്ന ഏഷ്യൻ ഹാൻഡ്ബോൾ ചാമ്പ്യൻഷിപ്പിന് മുന്നോടിയായി സൗഹൃദടൂർണമെന്റിൽ മത്സരിക്കാനിറങ്ങിയ ഖത്തറിന് ആദ്യ മത്സരത്തിൽ വിജയം. 32-19 എന്ന സ്കോറിനാണ് ഖത്തർ കുവൈത്തിനെ പരാജയപ്പെടുത്തിയത്. അഹ്മദ് മദാദി, യൂസുഫ് ബെനാലി എന്നിവർ ഖത്തറിനായി ആറുവീതം ഗോളുകൾ നേടി.
സ്പാനിഷ് പരിശീലകൻ വലേറോ റിവേറ സ്ക്വാഡിലെ എല്ലാ താരങ്ങൾക്കും അവസരം കൊടുത്തപ്പോൾ, 12 വ്യത്യസ്ത താരങ്ങളാണ് ഖത്തറിനായി ഗോൾവല കുലുക്കിയത്. ആദ്യം പകുതിയിൽ 18-13 ന്റെ ലീഡ് സ്വന്തമാക്കിയ ഖത്തർ രണ്ടാം പകുതിയിൽ എതിരാളികൾക്ക് ഒരവസരവും നൽകിയില്ല. ഇറാൻ, സൗദി എന്നീ രാജ്യങ്ങളും ടൂർണമെന്റിൽ പങ്കെടുക്കുന്നുണ്ട്. ഉദ്ഘാടനമത്സരത്തിൽ ഇറാൻ സൗദിയെ 24-16 എന്ന സ്കോറിൽ പരാജയപ്പെടുത്തിയിരുന്നു.