December 24, 2021
December 24, 2021
ദോഹ : ഏറ്റവും പുതിയ ഫിഫ റാങ്കിങ് പട്ടികയിൽ ഖത്തറിന് 48ആം സ്ഥാനം. കഴിഞ്ഞ ആറ് മാസമായി സ്ഥിരതയാർന്ന പ്രകടനം കാഴ്ചവെക്കുന്ന രാജ്യം, അറബ് കപ്പിൽ മൂന്നാം സ്ഥാനം സ്വന്തമാക്കിയിരുന്നു. ഇതോടെയാണ് റാങ്കിങ്ങിൽ കുതിച്ചുചാട്ടം ഉണ്ടായത്.
കഴിഞ്ഞ റാങ്കിങ്ങിൽ 51 ആമത് ആയിരുന്ന ഖത്തർ മൂന്ന് സ്ഥാനങ്ങളാണ് മെച്ചപ്പെടുത്തിയത്. ഇതോടെ സൗദി, ഘാന, കാമറൂൺ എന്നീ രാജ്യങ്ങളുടെ സ്ഥാനം ഖത്തറിന് പിന്നിലായി. ഏറെ കാലമായി മുന്നിലുള്ള ബെൽജിയം തന്നെയാണ് ഇത്തവണയും റാങ്കിങ്ങിൽr പ്രഥമസ്ഥാനത്ത്. അറബ് കപ്പ് ജേതാക്കളായ അൾജീരിയ മൂന്ന് സ്ഥാനം മെച്ചപ്പെടുത്തി 29 ലേക്കെത്തി.