July 26, 2021
July 26, 2021
കുവൈത്ത് സിറ്റി : കുവൈത്തിലെ യു എസ് നയതന്ത്ര കാര്യാലയത്തിലെ ശുചി മുറിയില്‍ മലയാളി സുരക്ഷാ ജീവനക്കാരന്‍ ആത്മഹത്യ ചെയ്ത സംഭവത്തില്‍ കൂടുതല്‍ അന്വേഷണം നടത്തുമെന്ന് കുവൈത്തിലെ യു എസ് സ്ഥാനപതി അലിന റോമനോവ്സ്‌കി. കഴിഞ്ഞ ദിവസമാണ് പാലക്കാട് കീഴമ്പലൂര്‍ പറവെട്ടി സ്വദേശി ജഗദീശ് വി അപ്പുകുട്ടന്‍(44)നെ ബായാനിലെ എംബസി കെട്ടിടത്തിലെ ശുചി മുറിയില്‍ സ്വയം വെടിവെച്ച് മരിച്ച നിലയില്‍ കണ്ടെത്തിയത്.തലയില്‍ വെടിയുണ്ട തുളഞ്ഞു കയറിയാണു മരണം സംഭവിച്ചത്. ജോലിയുടെ ഭാഗമായി കയ്യില്‍ കരുതുന്ന റിവോള്‍വര്‍ ഉപയോഗിച്ചാണു സ്വയം ജീവനൊടുക്കിയത് എന്നാണു പ്രാഥമിക നിഗമനം.
