February 22, 2022
February 22, 2022
കുവൈത്ത് സിറ്റി : രാജ്യത്തെ വിദ്യാഭ്യാസ രംഗം കൂടുതൽ മികച്ചതാക്കാൻ ആയിരത്തോളം അധ്യാപകരെ നിയമിക്കുമെന്ന് വിദ്യാഭ്യാസ മന്ത്രാലയം അറിയിച്ചു. ദേശീയ ദിന അവധിക്ക് ശേഷം ഇതിനുള്ള നടപടികൾ ആരംഭിക്കുമെന്ന് മന്ത്രാലയം അണ്ടർ സെക്രട്ടറി ഡോ. അലി യാക്കൂബ് അറിയിച്ചു.
ദേശീയ ദിന അവധിക്ക് ശേഷം വിദ്യാഭ്യാസ മന്ത്രാലയത്തിന്റെ ഔദ്യോഗിക വെബ്‌സൈറ്റിൽ ഒഴിവുകൾ സംബന്ധിച്ചുള്ള വിജ്ഞ്ജാപനം പ്രസിദ്ധീകരിക്കും. പതിനൊന്ന് വിഷയങ്ങളിലേക്കാണ് അധ്യാപകരെ നിയമിക്കുന്നത്. കുവൈത്ത് സ്വദേശികളായ അധ്യാപകർക്കാണ് പ്രഥമ പരിഗണന. ശേഷം, കുവൈത്തി വംശജരായവർക്കും, ജി.സി.സി രാഷ്ട്രങ്ങളിലെ പൗരന്മാർക്കും അവസരം ലഭിക്കും. ഇതിന് ശേഷവും ഒഴിവുകൾ ഉണ്ടെങ്കിൽ മറ്റ് രാജ്യങ്ങളിൽ നിന്നുള്ളവർക്കും അപേക്ഷിക്കാം.
