April 13, 2020
April 13, 2020
കുവൈത്ത് സിറ്റി : കുവൈത്തിൽ ഇന്ന് കോവിഡ് ബാധിച്ച് ഒരാൾ കൂടി മരിച്ചു. രാജ്യത്തു റിപ്പോർട്ട് ചെയ്യപ്പെടുന്ന രണ്ടാമത്തെ കോവിഡ് മരണമാണിത്. അമ്പതുകാരനായ കുവൈത്ത് പൗരൻറെ മരണമാണ് ആരോഗ്യമന്ത്രാലയം തിങ്കളാഴ്ച സ്ഥിരീകരിച്ചത്. നേരത്തെ 46 വയസ്സുള്ള ഗുജറാത്ത് സ്വദേശിയും കുവൈത്തിൽ കോവിഡ് മൂലം മരിച്ചിരുന്നു.
പുതുതായി 66 പേർക്ക് കൂടി കോവിഡ് 19 സ്ഥിരീകരിച്ചതായും ആരോഗ്യമന്ത്രാലയം അറിയിച്ചു .ഇതോടെ കുവൈത്തിലെ കോവിഡ് കേസുകളുടെ എണ്ണം 1300 ആയി. പുതുതായി രോഗം സ്ഥിരീകരിച്ചവരിൽ 45 പേർ ഇന്ത്യക്കാരാണ്. ഇതോടെ രാജ്യത്തെ കോവിഡ് ബാധിതരായ ഇന്ത്യക്കാരുടെ എണ്ണം 724 ആയി. പുതിയ രോഗികളിൽ ൽ 40 ഇന്ത്യക്കാർ ഉൾപ്പെടെ 51 പേർ നേരത്തെ കോവിഡ് സ്ഥിരീകരിച്ചവരുമായുള്ള സമ്പർക്കത്തെ തുടർന്നു നിരീക്ഷണത്തിൽ കഴിഞ്ഞിരുന്നവരാണ്.
150 പേർ ഇതുവരെ രോഗവിമുക്തി നേടിയതായുംആരോഗ്യമന്ത്രാലയം അറിയിച്ചു. നിലവിൽ 1148 പേരാണ് ചികിത്സയിലുള്ളത്. 26 പേർ തീവ്ര പരിചരണവിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.