April 04, 2020
April 04, 2020
കുവൈത്ത് സിറ്റി : സൗദി അറേബ്യ,ബഹ്‌റൈൻ,യു.എ.ഇ,ഖത്തർ,ഒമാൻ,എന്നീ രാജ്യങ്ങൾക്ക് പിന്നാലെ കുവൈത്തിലും ഇന്ന് (ശനി) കോവിഡ് മരണം സ്ഥിരീകരിച്ചു. 46 വയസ്സുള്ള ഗുജറാത്ത് സ്വദേശിയാണ് മരിച്ചത്, ഇതോടെ രാജ്യത്ത് കോവിഡ് 19 ബാധിതരുടെ എണ്ണം 479 ആയി ഉയര്‍‌ന്നു. ഇന്ന് രോഗം സ്ഥിരീകരിച്ചവരിൽ 50 പേര് ഇന്ത്യക്കാരാണ്.
ഇന്ന് പുലർച്ചെ സൗദിയിലെ മദീനയിൽ ഒരു മലയാളി കോവിഡ് ബാധിച്ചു മരണപ്പെട്ടിരുന്നു. കണ്ണൂര്‍ പാനൂര്‍ സ്വദേശി ഷബ്നാസ് ആണ്(28) മരിച്ചത്.
ഇതുവരെ സൗദിയിൽ 26 പേരും യു.എ.ഇ യിൽ 9 ഉം ബഹറിനിൽ 4 ഉം ഖത്തറിൽ മൂന്നും ഒമാനിൽ ഒരാളും കോവിഡ് ബാധിച്ചു മരണപ്പെട്ടിട്ടുണ്ട്.ഇതോടെ ഗൾഫിലെ മൊത്തം മരണനിരക്ക് 44 ആയി ഉയർന്നു. ആറു ജിസിസി രാജ്യങ്ങളിലായി ഇതുവരെ രോഗബാധിതരുടെ എണ്ണം 5700 പിന്നിട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
