July 10, 2020
July 10, 2020
കുവൈത്ത് സിറ്റി : കുവൈത്തില്‍ 740 പേര്‍ക്ക് കൂടി കോവിഡ് സ്ഥിരീകരിച്ചു.ഒരാള്‍കൂടി മരിച്ചതോടെ രാജ്യത്തെ കോവിഡ് മരണം 383 ആയി.രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 53,580 ആയി. പുതുതായി രോഗം സ്ഥിരീകരിച്ചവരിൽ 487 പേർ സ്വദേശികളും 253 പേർ വിദേശികളുമാണ്.നിലവിൽ 9983 പേരാണ് കുവൈത്തിൽ കോവിഡ് പോസറ്റിവ് ആയി തുടരുന്നത്.
വെള്ളിയാഴ്ച 528 പേര് ഉള്‍പ്പെടെ 43,214 പേര് രോഗമുക്തി നേടി. 157 പേര് തീവ്രപരിചരണ വിഭാഗത്തിലാണ്. അഹ്മദി ഗവര്‍ണറേറ്റില്‍ 248, ജഹ്റ ഗവര്‍ണറേറ്റില്‍ 165, ഫര്‍വാനിയ ഗവര്‍ണറേറ്റില്‍ 125, ഹവല്ലി ഗവര്‍ണറേറ്റില്‍ 115, കാപിറ്റല്‍ ഗവര്‍ണറേറ്റില്‍ 87 എന്നിങ്ങനെയാണ് പുതിയ കേസുകളുടെ മേഖല തിരിച്ചുള്ള കണക്കുകൾ.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
