June 30, 2020
June 30, 2020
കുവൈത്ത് സിറ്റി: കുവൈത്തില്‍ കോവിഡ് നിയന്ത്രണങ്ങളിലുള്ള രണ്ടാം ഘട്ട ഇളവുകൾ ഇന്ന് മുതല്‍( ചൊവ്വാഴ്ച) പ്രാബല്യത്തിൽ വരും. മേയ് 31ന് ആരംഭിച്ച ആദ്യഘട്ടം ജൂൺ 21 വരെയാണ് നിശ്ചയിച്ചിരുന്നതെങ്കിലും ഇതു നീട്ടുകയായിരുന്നു.വ്യാഴാഴ്ച ചേർന്ന മന്ത്രിസഭ യോഗം കോവിഡ് വ്യാപനം അവലോകനം നടത്തിയ ശേഷമാണ് ജൂൺ 30 മുതൽ രണ്ടാംഘട്ടത്തിലേക്ക് കടക്കാൻ തീരുമാനിച്ചത്.ഇതനുസരിച്ച് ഇന്ന് മുതൽ രാത്രി എട്ടു മുതല്‍ രാവിലെ അഞ്ചുവരെയായിരിക്കും കര്‍ഫ്യൂ സമയം.നിലവില്‍ ഇത് ഏഴുമുതല്‍ അഞ്ചുവരെയാണ്.
30 ശതമാനം ജീവനക്കാരുമായി സര്‍ക്കാര്‍ ഓഫിസുകള്‍ പ്രവര്‍ത്തിക്കും. റൊട്ടേഷൻ അടിസ്ഥാനത്തിലാവും ജീവനക്കാര്‍ക്ക് ജോലിക്കെത്താന്‍ നിര്‍ദേശം നല്‍കുക. സലൂണുകള്‍, ബാര്‍ബര്‍ ഷോപ്പുകള്‍, ഹെല്‍ത്ത് സെന്ററുകൾ എന്നിവ ഒഴികെ സ്വകാര്യ സ്ഥാപനങ്ങളും 30 ശതമാനം ശേഷിയിൽ തുറന്നു പ്രവർത്തിക്കും.മാളുകളും 30 ശതമാനം ശേഷിയിൽ തുറന്നു പ്രവർത്തിക്കും. അതേസമയം, ജലീബ് അൽ ശുയൂഖ്, മഹബൂല, ഫർവാനിയ എന്നിവിടങ്ങളിലെ െഎസൊലേഷൻ മറ്റൊരു അറിയിപ്പുണ്ടാവുന്നതു വരെ തുടരും.
തുറന്നു പ്രവർത്തിക്കാൻ അനുമതിയുള്ളവർ പാലിക്കേണ്ട നിബന്ധനകൾ :
നിബന്ധനകൾ പാലിക്കുന്നുണ്ടെന്ന് ഉറപ്പാക്കാൻ അധികൃതർ പരിശോധന നടത്തും. നിർദേശങ്ങൾ ലംഘിക്കുന്ന സ്ഥാപനങ്ങൾ പൂട്ടിക്കും. അഞ്ചുഘട്ടങ്ങളിലായി നിയന്ത്രണങ്ങൾ ലഘൂകരിച്ച് സാധാരണ ജീവിതത്തിലേക്ക് മടക്കിക്കൊണ്ടുവരാനാണ് തീരുമാനം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
