November 08, 2021
November 08, 2021
ദോഹ : ഖത്തർ കൂറ്റനാട് ജനകീയ കൂട്ടായ്മ സംഘടിപ്പിച്ച രണ്ടാമത് കെ.പി.എൽ ഫുട്ബോൾ ടൂർണ്ണമെൻ്റിൽ കൂറ്റനാട് സൂപ്പർ കിംഗ്സ് ജേതാക്കളായി. നാല് ടീമുകൾ (കൂറ്റനാട് ബ്ലാസ്റ്റേഴ്‌സ്, ടീം ഫൈറ്റെർസ്, സൂപ്പർ കിംഗ്സ്, യുണൈറ്റഡ് കൂറ്റനാട്) പങ്കെടുത്ത വാശിയേറിയ ടൂർണമെന്റിൽ യുണൈറ്റഡ് കൂറ്റനാട് ആണ് രണ്ടാം സ്ഥാനം നേടിയത്. മത്സര വിജയികൾക്കുള്ള ട്രോഫികൾ ഡോ.ഹാരിഫ് (ഖത്തർ ജനറൽ പെട്രോളിയം) സമ്മാനിച്ചു.
ഖത്തർ കൂറ്റനാട് ജനകീയ കൂട്ടായ്മയുടെ സ്പോർട്സ് മത്സരങ്ങളുടെ ഉദ്ഘാടനം ICBF പ്രസിഡന്റ് സിയാദ് ഉസ്മാൻ നിർവഹിച്ചു. അടുത്ത ദിവസങ്ങളിലായി ഷട്ടിൽ ടൂർണമെന്റ്, ക്രിക്കറ്റ് തുടങ്ങിയ മത്സരങ്ങൾ നടക്കുമെന്ന് ഭാരവാഹികൾ അറിയിച്ചു.
