December 08, 2021
December 08, 2021
കുവൈത്ത് : കോവിഡ് മഹാമാരിക്കിടെ ആരോഗ്യരംഗത്ത് നൽകിയ സംഭാവനകൾ കണക്കിലെടുത്ത് നൽകുന്ന ലൈഫ് സേവർ പുരസ്കാരത്തിന് കോഴിക്കോട് സ്വദേശി ജാവേദ് ബിൻ ഹമീദ് അർഹനായി. കൊയിലാണ്ടി താലൂക്ക് അസോസിയേഷൻ കുവൈത്ത് ആണ് അവാർഡിനായി ജാവേദിനെ തിരഞ്ഞെടുത്തത്.
അമീരി ആശുപത്രി ഡയാലിസിസ് യൂണിറ്റിൽ ജോലി ചെയ്യുന്ന ജാവേദ്, കുറ്റ്യാടിയിലെ സാമൂഹ്യപ്രവർത്തകൻ കേളോത്ത് ഹമീദിന്റെയും മുൻ കുറ്റ്യാടി പഞ്ചായത്തംഗം ആയിഷ ഹമീദിന്റെയും മകനാണ്. രോഗവിവരങ്ങൾ ബന്ധപ്പെട്ടവരിലേക്ക് കൃത്യമായി എത്തിച്ചു കൊടുക്കാനും, മരുന്നുകൾ ലഭ്യമാക്കാനും, മരണപ്പെട്ടവരുടെ പേപ്പർ വർക്കുകൾ ശരിയാക്കാനും ജാവേദ് മുൻ നിരയിൽ ഉണ്ടായിരുന്നു. ഇത് കണക്കിലെടുത്താണ് പുരസ്കാരം.