December 08, 2021
December 08, 2021
മക്ക : ഉംറ കർമ്മം നിർവഹിക്കാൻ ഇന്ത്യക്കാർക്ക് നേരിട്ട് വിസകൾ നൽകാൻ ആരംഭിച്ചതായി സൗദി ആഭ്യന്തരമന്ത്രാലയം അറിയിച്ചു. സൗദി അംഗീകരിച്ച വാക്സിനുകളുടെ രണ്ട് ഡോസും പൂർത്തിയാക്കിയ വ്യക്തികൾക്ക് കൊറന്റൈൻ ഇല്ലാതെ തന്നെ ഉംറ നിർവഹിക്കാമെന്നും അധികൃതർ വ്യക്തമാക്കി. 12 വയസിന് മുകളിൽ പ്രായമുള്ളവർക്കാണ് ഉംറ ചെയ്യാൻ അനുമതി ലഭിക്കുക.
സൗദിയുടെ അംഗീകൃത വാക്സിൻ പട്ടികയിൽ ഉൾപ്പെട്ട ഫൈസർ, കോവിഷീൽഡ്‌, മോഡേണ എന്നീ വാക്സിനുകളിൽ ഒന്നിന്റെ രണ്ട് ഡോസും എടുത്തവർക്ക് കൊറന്റൈൻ ആവശ്യമില്ല. ജോൺസൺ ആൻഡ് ജോൺസണിന്റെ ഒരു ഡോസ് എടുത്തവർക്കും കൊറന്റൈൻ വേണ്ടതില്ല. അതേ സമയം, മറ്റ് ഏതെങ്കിലും വാക്സിൻ എടുത്ത് ഉംറക്ക് എത്തുന്ന ആളുകൾക്ക് മൂന്ന് ദിവസത്തെ കൊറന്റൈൻ ആണ് നിർദേശിച്ചിട്ടുള്ളത്. രണ്ടാം ദിവസം നടത്തുന്ന പീസീആർ ഫലം നെഗറ്റീവ് ആണെങ്കിൽ മൂന്നാം ദിവസം പുറത്തിറങ്ങാനും, ഉംറ നിർവഹിക്കാനും കഴിയും. മദീനയിലാണ് കൊറന്റൈൻ സൗകര്യങ്ങൾ ഏർപ്പെടുത്തിയിട്ടുള്ളത്.
