September 28, 2021
September 28, 2021
ദോഹ: ഖത്തറില് നടക്കുന്ന കമ്യൂണിറ്റി ലോകകപ്പ് ഫുട്ബാളിനുള്ള ഇന്ത്യന് ടീമിെന്റ ജഴ്സി അംബാസഡര് ഡോ.ദീപക് മിത്തല് പുറത്തിറക്കി. ഒക്ടോബര് ഒന്നിന് ഇംഗ്ലണ്ട് 'എ' ടീമിനെതിരെയാണ് ഇന്ത്യയുടെ ആദ്യ മത്സരം. ഖത്തര് ലോകകപ്പിന്റെ സംഘാടകരായ സുപ്രീം കമ്മിറ്റി ഫോര് ഡെലിവറി ആന്ഡ് ലെഗസിക്കു കീഴില് ഖത്തര് കമ്യൂണിറ്റി ഫുട്ബാള് ലീഗാണ് ടൂര്ണമെന്റ് സംഘടിപ്പിക്കുന്നത്. വിവിധ രാജ്യങ്ങളില്നിന്നുള്ള അമേച്വര് താരങ്ങള് അണിനിരക്കുന്ന ടീമുകളെ ഉള്പ്പെടുത്തിയാണ് ലോകകപ്പ് സംഘടിപ്പിക്കുന്നത്.
ഒക്ടോബര് ഒന്നിന് അല് റയ്യാന് പരിശീലന ഗ്രൗണ്ടിലാണ് മത്സരം. വിവിധ രാജ്യങ്ങളില്നിന്നായി 48 കമ്യൂണിറ്റി ടീമുകള് ടൂര്ണമെന്റില് മത്സരിക്കുന്നുണ്ട്. ഇന്ത്യന് സ്പോര്ട്സ് സെന്റര് പിന്തുണയോടെ സിറ്റി എക്സ്ചേഞ്ച് ഫുട്ബാള് ക്ലബാണ് ഇന്ത്യന് കമ്യൂണിറ്റി ടീമായി കളത്തിലിറങ്ങുന്നത്. സിറ്റി എക്സ്േചഞ്ച്, റിയ മണി ട്രാന്സ്ഫര് എന്നിവരാണ് ടീമിെന്റ സ്പോണ്സര്മാര്. ജഴ്സി പ്രകാശന ചടങ്ങില് ഇന്ത്യന് സ്പോര്ട്സ് സെന്റര് പ്രസിഡന്റ് ഡോ. മോഹന് തോമസ്, ചീഫ് കോഓഡിനേറ്റിങ് ഓഫിസര് അട്ല മോഹന്, സിറ്റി എക്സ്ചേഞ്ച് ഹെഡ് ഓഫ് ഓപറേഷന്സ് ഷാനിബ് ശംസുദ്ദീന്, ബി.ഡി.എം ഹുസൈന് അബ്ദുല്ല, ഐ.എസ്.സി ഫുട്ബാള് ഇന്ചാര്ജ് ജോണ് ദേസ, ടീം ക്യാപ്റ്റന് സതീഷ് എന്നിവര് പങ്കെടുത്തു.