November 10, 2019
November 10, 2019
കുവൈത്ത് സിറ്റി : കുവൈത്തില്‍ സിക്‌സ്ത് റിംഗ്-അഹമ്മദി റോഡില്‍ ശനിയാഴ്ച രാത്രിയുണ്ടായ വാഹനാപകടത്തില്‍ മലയാളി നഴ്‌സ് മരിച്ചു. അപകടത്തില്‍ അഞ്ചു പേര്‍ക്ക് പരുക്കേറ്റു. കെ ഒ സി ആശുപത്രിയില്‍ കെ ആര്‍ എച്ച്‌ കമ്പനിയുടെ നെഴ്സായ മേഴ്‌സി മറിയക്കുട്ടി (44 )യാണ് മരിച്ചത്. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. നഴ്‌സുമാരുമായി ജോലി സ്ഥലത്തേക്കു പോവുകയായിരുന്ന സ്വകാര്യ ട്രാന്‍സ്‌പോര്‍ട്ട് കമ്പനിയുടെ വാഹനം സ്വദേശിയുടെ വാഹനവുമായി കൂട്ടിയിടിക്കുകയായിരുന്നു.സിക്‌സ്ത് റിംഗ് റോഡില്‍ നിന്നും നാല്പതാം നമ്പർ റോഡിലേക്ക് കയറുന്നിടത്താണ് അപകടമുണ്ടായത്.പരിക്കേറ്റ മറ്റു അഞ്ചു നഴ്സുമാരെ അദാന്‍ ആശുപത്രിയില്‍ പ്രവേശിപ്പിച്ചിട്ടുണ്ട്.
മേഴ്‌സിയുടെ ഭര്‍ത്താവ് ബിജു കുവൈത്തിലുണ്ട്. ഇവരുടെ മകള്‍ നാട്ടിലാണ്.
