December 04, 2021
December 04, 2021
മുംബൈ : ടെസ്റ്റ് ക്രിക്കറ്റ് മത്സരത്തിലെ ഒരു ഇന്നിങ്സിലെ മുഴുവൻ വിക്കറ്റുകളും വീഴ്ത്തുകയെന്ന ചരിത്രനേട്ടം സ്വന്തമാക്കി അജാസ് പട്ടേൽ. ഇന്ത്യക്കെതിരായ രണ്ടാം ടെസ്റ്റിലാണ് ഇന്ത്യൻ വംശജൻ കൂടിയായ അജാസ് ഈ നേട്ടം കൈവരിച്ചത്.
ഇന്ത്യൻ താരം അനിൽ കുംബ്ലെ, ഇംഗ്ലണ്ട് താരം ജിം ലേക്കർ എന്നീ താരങ്ങൾ മാത്രമാണ് ഇതിന് മുൻപ് ഒരു ഇന്നിങ്സിൽ പത്ത് വിക്കറ്റുകൾ വീഴ്ത്തിയിട്ടുള്ളത്. ഇടംകയ്യൻ സ്പിന്നറായ അജാസ് 47.5 ഓവറിൽ 119 റൺസ് വഴങ്ങിയാണ് ഇന്ത്യൻ നിരയിലെ പത്ത് പേരെയും വീഴ്ത്തിയത്. ആദ്യ ഇന്നിങ്സിൽ മായങ്ക് അഗർവാളിന്റെ സെഞ്ചുറിയുടെ പിൻബലത്തിൽ 325 റൺസാണ് ഇന്ത്യ എടുത്തത്.