September 04, 2021
September 04, 2021
കോവിഡിന്റെ പുതിയ വകഭേദം കണ്ടെത്തിയതോടെ ഇന്ത്യ വിമാനയാത്രക്കാർക്കുള്ള മാർഗരേഖ പുതുക്കി. യൂറോപ്യൻ യൂണിയനിൽ ഉൾപ്പെട്ട രാജ്യങ്ങൾ, പശ്ചിമേഷ്യയിലെ രാജ്യങ്ങൾ, ബ്രിട്ടൻ മുതലായ ഇടങ്ങളിൽ നിന്നുള്ളവർക്ക് കോവിഡ് നെഗറ്റീവ് സർട്ടിഫിക്കറ്റ് ഉണ്ടെങ്കിൽ മാത്രമേ ഇന്ത്യയിലേക്ക് വിമാനം കയറാനാവൂ. ഇന്ത്യയിൽ എത്തിയ ഉടനെ ഇവർ റാപിഡ് ടെസ്റ്റ്‌ നടത്തുകയും വേണം.
സാർസ് കോവ്‌ 2 എന്ന് പേരിട്ടിരിക്കുന്ന പുതിയ വകഭേദം കൂടുതൽ അപകടകാരിയാണെന്ന ഗവേഷണങ്ങൾ പുറത്ത് വന്നതിനെ തുടർന്നാണ് ഈ നടപടി. വാക്സിനുകളെ പ്രതിരോധിക്കാൻ കഴിവുള്ള പുതിയ തരം വൈറസുകൾ വേഗം പടരുമെന്നും ലോകാരോഗ്യസംഘടന മുന്നറിയിപ്പ് പുറപ്പെടുവിച്ചിരുന്നു. അതേ സമയം, ഇന്ത്യയിൽ നിന്നുള്ള യാത്രക്കാർക്ക് ഏർപ്പെടുത്തിയ 14 ദിവസത്തെ നിർബന്ധിത ക്വാറന്റൈൻ തുർക്കി എടുത്തുമാറ്റി. യാത്രയ്ക്ക് പതിനാല് ദിവസം മുൻപെങ്കിലും വാക്സിനേഷൻ പൂർത്തിയാക്കിയ ഇന്ത്യക്കാർക്ക് തുർക്കിയിലെത്താം.
