August 08, 2021
August 08, 2021
ന്യൂഡല്ഹി: ഖത്തറിന്റെ ഭീകര വിരുദ്ധ സംഘര്ഷ പരിഹാര പ്രത്യേക മധ്യസ്ഥനും പ്രതിനിധിയുമായ മുത്ലാഖ് ബിന് മജീദ് അല് ഖഹ്താനി ഇന്ത്യാ സന്ദര്ശനം നടത്തി. രണ്ട് ദിവസത്തെ സന്ദര്ശനത്തിനെത്തിയ അദ്ദേഹം വിദേശകാര്യ മന്ത്രി ഡോ എസ് ജയശങ്കറുമായും വിദേശകാര്യ സെക്രട്ടറി ഹര്ഷ് ശൃംഗ്ലയുമായും ചര്ച്ച നടത്തി.അഫ്ഗാന് സമാധാന പ്രക്രിയയെക്കുറിച്ചും അതിന്റെ വിജയം ഉറപ്പാക്കാനുള്ള ഇന്ത്യയുടെ ഇടപെടലുകളെക്കുറിച്ചും നേതാക്കള് ചര്ച്ച ചെയ്തു.
കൂടിക്കാഴ്ചകളില് ജോയിന്റ് സെക്രട്ടറി (പി.എ.ഐ), ജെ.പി സിംഗും പങ്കെടുത്തു. സമാധാനപരവും സുസ്ഥിരവുമായ അഫ്ഗാനിസ്ഥാനില് സമൂഹത്തിലെ എല്ലാ വിഭാഗങ്ങളുടെയും അവകാശങ്ങളും താല്പ്പര്യങ്ങളും പ്രോത്സാഹിപ്പിക്കുകയും സംരക്ഷിക്കപ്പെടുകയും വേണമെന്ന് ഡോ എസ് ജയശങ്കര് ട്വിറ്ററിലൂടെ അഭിപ്രായപ്പെട്ടു.