March 05, 2022
March 05, 2022
റിയാദ് : സൗദി തലസ്ഥാന നഗരിയിലാകെ പൊടിക്കാറ്റിന്റെ സംഹാരതാണ്ഡവം. വെള്ളിയാഴ്ച രാവിലെ ഏതാണ്ട് പത്ത് മണിയോടെയാണ് കാലാവസ്ഥാ വ്യതിയാനത്തിന്റെ വരവറിയിച്ചുകൊണ്ട് പൊടിക്കാറ്റ് വീശിയടിച്ചത്. മണിക്കൂറുകളോളം കാറ്റ് ആഞ്ഞുവീശിയതോടെ നഗരമാകെ പൊടിയിൽ മുങ്ങി.
.വീഡിയോ കടപ്പാട് : സലാഹുദ്ധീൻ കെ.പി
കാറ്റ് ശക്തി പ്രാപിച്ചതിന് പിന്നാലെ ദൂരക്കാഴ്ച മങ്ങിയതിനാൽ നഗരത്തിൽ ഗതാഗതം തടസ്സപ്പെട്ടു. ഹൈവേകളിലും, മറ്റ് പ്രധാന റോഡുകളിലും വാഹനങ്ങളുടെ നീണ്ട നിര തന്നെ കാണപ്പെട്ടു. മാർച്ച്‌ അവസാനത്തോടെ നഗരത്തിൽ താപനില വർധിക്കുമെന്നും, അതിന് മുന്നോടിയായാണ് ഈ അപ്രതീക്ഷിത പൊടിക്കാറ്റെന്നും വിദഗ്ദർ വിലയിരുത്തി. ശ്വാസസംബന്ധമായ അലർജികളുള്ള നിരവധി രോഗികൾ പൊടിക്കാറ്റിനെ തുടർന്ന് ക്ലിനിക്കുകളിൽ ചികിത്സ തേടി.
