December 16, 2021
December 16, 2021
കേപ് ഹെയ്തിൻ : ഹെയ്തിയിൽ ഇന്ധന ട്രക്ക് പൊട്ടിത്തെറിച്ചുണ്ടായ അപകടത്തിൽ 75 മരണം. തിങ്കളാഴ്ച വൈകീട്ട് ഉണ്ടായ അപകടത്തിൽ ആദ്യം റിപ്പോർട്ട് ചെയ്യപ്പെട്ട മരണസംഖ്യ 61 ആയിരുന്നെങ്കിലും, ചികിത്സയ്ക്കിടെ 14 പേർക്ക് കൂടി ജീവൻ നഷ്ടപ്പെട്ടതായി അധികൃതർ അറിയിക്കുകയായിരുന്നു.
ഹെയ്തിയിലെ പ്രധാന നഗരങ്ങളിൽ ഒന്നായ കേപ് ഹെയ്തിനിൽ ആണ് അപകടമുണ്ടായത്. ഒരു മോട്ടോർ സൈക്കിളിനെ ഇടിക്കാതിരിക്കാൻ ഡ്രൈവർ പൊടുന്നനെ വണ്ടി തിരിച്ചതാണ് അപകടകാരണമെന്ന് ദൃക്‌സാക്ഷികൾ അറിയിച്ചു. വാഹനത്തിൽ നിന്നും ചോർന്ന ഇന്ധനം ശേഖരിക്കാൻ ആളുകൾ കൂട്ടംകൂടിയതും അപകടത്തിന്റെ വ്യാപ്‌തി വർധിപ്പിച്ചു.
