March 14, 2022
March 14, 2022
ഒട്ടാവ : യൂറോപ്യൻ രാജ്യമായ കാനഡയിൽ ഉണ്ടായ വാഹന അപകടത്തിൽ അഞ്ച് ഇന്ത്യൻ വിദ്യാർത്ഥികൾക്ക് ജീവൻ നഷ്ടപ്പെട്ടതായി കാനഡയിലെ ഇന്ത്യൻ ഹൈക്കമ്മീഷണർ അജയ് ബിസാരിയ അറിയിച്ചു. ഒന്റാറിയോ ഹൈവേയിലാണ് അപകടം നടന്നത്. ഇവർ സഞ്ചരിച്ചിരുന്ന പാസഞ്ചർ വാൻ ട്രാക്ടർ ട്രെയിലറുമായി കൂട്ടിയിടിക്കുകയായിരുന്നു.
പരിക്കേറ്റ രണ്ട് പേർ ആശുപത്രിയിൽ ചികിത്സയിലാണെന്നും, ഇവർക്ക് വേണ്ട സഹായങ്ങൾ ഒരുക്കാൻ ഇന്ത്യൻ എംബസി രംഗത്തുണ്ടെന്നും അജയ് ബിസാരിയ കൂട്ടിച്ചേർത്തു. അപകടത്തിൽ മലയാളികൾ ഉൾപെട്ടിട്ടില്ലെന്നാണ് പ്രാഥമികവിവരം. റിപ്പോർട്ടുകൾ പ്രകാരം, ഹർപ്രീത് സിങ്, ജസ്‌പീന്ദർ സിങ്, കരൺപാൽ സിങ്, മോഹിത് ചൗഹാൻ, പവൻ കുമാർ എന്നിവരാണ് മരിച്ചത്. അപകടത്തിൽ പാസഞ്ചർ വാൻ പൂർണമായും തകർന്നു. അപകടത്തിൽ പെട്ടവരുടെ കുടുംബാംഗങ്ങളെ ഇന്ത്യൻ എംബസി അനുശോചനമറിയിച്ചു. സംഭവത്തിൽ അധികൃതർ സമഗ്രമായ അന്വേഷണം പ്രഖ്യാപിച്ചിട്ടുണ്ട്.
