February 26, 2022
February 26, 2022
റിയാദ് : അബഹയിലെ നാടുകടത്തൽ കേന്ദ്രത്തിൽ കഴിഞ്ഞിരുന്ന പതിനേഴ് ഇന്ത്യക്കാർ നാട്ടിലേക്ക് മടങ്ങി. മൂന്ന് മലയാളികളും സംഘത്തിലുണ്ട്. അസീർ ഇന്ത്യൻ അസോസിയേഷൻ ജനറൽ സെക്രട്ടറിയും, ജിദ്ദ ഇന്ത്യൻ കോൺസുലേറ്റ് ജീവകാരുണ്യ വിഭാഗം അംഗവുമായ ബിജു.കെ. നായരുടെ പരിശ്രമഫലമായാണ് ഇന്ത്യക്കാർക്ക് ജന്മനാട്ടിലേക്ക് മടങ്ങാൻ കഴിഞ്ഞത്.
ആകെ 35 ഇന്ത്യക്കാരാണ് നാടുകടത്തൽ കേന്ദ്രത്തിൽ കഴിഞ്ഞിരുന്നത്. കേന്ദ്രത്തിൽ ബാക്കിയുള്ള 18 പേരുടെ നിയമതടസങ്ങൾ പരിഹരിച്ച് അവരെ നാട്ടിലേക്കയക്കുമെന്ന് ബിജു. കെ. നായർ അറിയിച്ചു. ഒരാഴ്ചക്കകം ഇവർക്കും നാടണയാൻ കഴിയുമെന്നാണ് പ്രതീക്ഷ. അബഹയിലെ സാമൂഹ്യപ്രവർത്തകരായ മോഹൻദാസ് ആറന്മുള, പ്രകാശൻ നാദാപുരം, ഗഫൂർ പയ്യാനക്കൽ, ബിനു ജോസഫ് തുടങ്ങിയരും പ്രവാസികളുടെ മോചനത്തിൽ പങ്കുവഹിച്ചു. നാടുകടത്തൽ കേന്ദ്രത്തിലെ ഉദ്യോഗസ്ഥരുടെ സഹായവും നിർണായകമായി. ജിദ്ദയിൽ നിന്നും കൊച്ചിയിലേക്കുള്ള സൗദി എയർലൈൻസ് വിമാനത്തിലാണ് പ്രവാസികൾ നാട്ടിലേക്ക് യാത്ര തിരിച്ചത്.
