October 26, 2021
October 26, 2021
അൽബാഹ: റോഡ് മുറിച്ചുകടക്കുന്നതിനിടെ കാറിടിച്ച് പിതാവും മകനും മരിച്ചു. അൽബാഹ പ്രവിശ്യയിലെ ഖിൽവയിലെ റോഡിലാണ് ദാരുണസംഭവം ഉണ്ടായത്. റോഡിന്റെ മറുഭാഗത്തിലുള്ള റെസ്റ്റോറന്റിലേക്ക് പോവാൻ ഇരുവരും റോഡ് മുറിച്ചുകടക്കുന്നതിനിടെ കാർ വന്നിടിക്കുകയായിരുന്നുവെന്ന് ദൃക്സാക്ഷികൾ അറിയിച്ചു. സംഭവസ്ഥലത്തുവെച്ചുതന്നെ ഒരു മരണം സ്ഥിരീകരിച്ചെന്നും, ആശുപത്രിയിലേക്ക് പോകുന്നതിനിടെയാണ് രണ്ടാം മരണമെന്നും അൽബാഹ റെഡ്ക്രോസ് വക്താവ് ഇമാദ് അൽസഹ്റാനി മാധ്യമങ്ങളോട് പറഞ്ഞു.